Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Samuryq-Qazyna» men «LÝKOIL» basshylary munaı-gaz salasynda áriptestikti talqylady

2021 jyldyń 19 mamyr 2021 21:29

NÝR-SÝLTAN. QazAqparat – «Samuryq-Qazyna» ulttyq ál-aýqat qory» AQ Basqarma tóraǵasy Almasadam Sátqalıev «LÝKOIL» JAQ prezıdenti Vagıt Alekperovpen kezdesti. Kezdesý barysynda yntymaqtastyqty damytý máseleleri talqylandy, dep habarlaıdy QazAqparat Qordyń resmı saıtyna silteme jasap.

Munaı-gaz salasynyń ınvestıtsııalyq tartymdylyǵyn jaqsartý, onyń ishinde Kaspıı qaırańynda teńiz jobalaryn ázirleý boıynsha belsendi jumys júrgizilýde.

Jarııa aktsıonerlik qoǵam «QazMunaıGaz» UQ-men birlesip, «Jeńis» qaırań ken ornynda geologııalyq zertteý jáne izdestirý-barlaý jumystaryn júrgizedi. Sondaı-aq Teńiz ken oryndarynan Qazaqstannyń ishki naryǵyna munaı jetkizý týraly másele pysyqtalýda. Sonymen qatar úkimetaralyq kelisimder aıasynda júzege asyrylatyn Hvalynskoe jáne Tsentralnoe jobalarynda TEN ázirleý jalǵasýda.

Almasadam Sátqalıev kompanııalar arasyndaǵy ózara is-qımyldyń joǵary deńgeıin aıta kelip, perspektıvaly munaı-gaz-hımııa jobalaryn iske asyrýǵa qatysýdy jandandyrýdy usyndy. Qazirgi kezde «Teńiz» jáne «Qarashyǵanaq» iri munaı-gaz ken oryndary, Kaspıı qubyry konsortsıýmy arqyly munaı tasymaldaý birlesip damýda.


Basty sózder: Energetıka, Samuryq-Qazyna UÁQ,
Joǵary qaraı