Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Samuryq-Qazyna» Mańǵystaýda gaz tarıfin ósirý máselesin kóterdi

2021 jyldyń 5 qazan 2021 12:08

NUR-SULTAN. QazAqparat – «Samuryq-Qazyna» ulttyq ál-aýqat qory» aktsıonerlik qoǵamynyń basqarma tóraǵasy Almasadam Sátqalıev Úkimet otyrysynda Sarsha eldi mekeni Jyly jaǵajaı aımaǵynda gaz tarıfin ósirý máselesin kóterdi, dep habarlaıdy QazAqparat tilshisi.

«Mańǵystaý oblysyn damytýdyń keshendi josparynda bizdiń qor jaýapty 30 is-shara eskerilgen. Jalpy kompanııanyń ınvestıtsııa kólemi 692 mlrd teńgeden asady. Keshendi josparda aımaqtyń mańyzdy ınfraqurylym jobalaryn júzege asyrý kózdelgen. Atap aıtqanda, «Astrahan-Mańǵyshlaq» magıstraldy sý tartqyshyn qaıta jańǵyrtý, Kendirli aýylynda sýdy tuzsyzdandyrý zaýytyn salý, Qarajambas ken ornynda tuzsyzdandyrý zaýytyn salý, Jańaózen qalasynda gaz óńdeý zaýytyn salý, Beıneý-Jańaózen qubyryn qaıta jańǵyrtý jobalary kózdelgen», - degen aktsıonerlik qoǵam basshysy keshendi jospardaǵy bir jobanyń qarjylandyrý kózi áli naqtylanbaǵanyn eskertti.

«Sarsha eldi mekeni men Jyly jaǵajaı aımaǵyn gazdandyrý jobalaryna jalpy quny 34 mlrd teńge qarjy bólý máselesiniń basy ashyq qalyp otyr. Buǵan deıin ol boıynsha bıýdjet qarajatyn tartý kózdelgen bolatyn. Jospar jobasynda bıýdjet qarajaty qarastyrylmaǵan. Respýblıkalyq bıýdjetten qarajat almaı jobalardy oryndaý úshin gaz baǵasyn ósirý qajet bolady. QR Ulttyq ekonomıka mınıstrligine tarıfterdiń qajetti ósimi boıynsha bizdiń esebimizdi qaraýdy tapsyrýyńyzdy suraımyz», - dedi Almasadam Sátqalıev.


Joǵary qaraı