Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Samuryq-Qazyna» qyzmetkerleriniń úshten ekisi koronavırýsqa qarsy vaktsına salǵyzdy

2021 jyldyń 12 tamyz 2021 17:22

NUR-SULTAN. QazAqparat - «Samuryq-Qazyna» aktsıonerlik qoǵamyna qarasty kompanııalar tobyndaǵy qyzmetkerlerdiń úshten ekisi koronavırýs ınfektsııasyna qarsy vaktsına salǵyzdy, dep habarlaıdy QazAqparat.

10 tamyzǵa deıingi derekke súıensek, Qor kompanııalarynda eńbek etetin 184 594 qyzmetker COVID-19 ınfektsııasyna qarsy ekpeniń birinshi komponentin salǵyzǵan. Bul kompanııalar tobyndaǵy qyzmetkerlerdiń 67,1% quraıdy.

Qorǵa qarasty kompanııalar arasynda vaktsına salǵyzýda «Samruk-Kazyna Construction» AQ kósh bastady. Atalǵan kompanııanyń 80 qyzmetkeriniń 76-y nemese 95% vaktsına aldy. ⠀ Vaktsına salǵyzý naýqanyn aıaqtaýǵa jaqyn qalǵan taǵy bir kompanııa bar, ol – «QazTransGaz» AQ. 12 617 qyzmetkerdiń 10 843-i (86%) vaktsına salǵyzypty. Osy jerde eń kóp adam eńbek etetin «Qazaqstan Temir Joly» ulttyq kompanııasyndaǵy 110 846 qyzmetkerdiń 79 481-i, ıaǵnı 72% vaktsına salǵyzǵanyn da bóle-jaryp ataýǵa bolady.

Qorǵa qarasty ózge de portfeldik kompanııalardaǵy vaktsına salǵyzý kórsetkishi tómendegishe qalyptasty:

«Qazaqtelekom» AQ – 20 604 qyzmetkerdiń 16 032-i (79%)

«Qazatomónerkásip» UAK» AQ – 19 089 qyzmetkerdiń 15 032-i (79%)

«Samuryq -Energo» AQ – 16 969 qyzmetkerdiń 13 275-i (78%)

«KEGOC» AQ – 4624 qyzmetkerdiń 3 592-i (78%)

«Taý-Ken Samuryq» UTK» AQ – 863 qyzmetkerdiń 656-y (76%)

«Eır Astana» AQ – 5 355 qyzmetkerdiń 3 713-i (69%)

«Qazposhta» AQ – 20 339 qyzmetkerdiń 13 225-i (65%)

«QazaqAir» AQ – 281 qyzmetkerdiń 164-i (58%)

«Birleske hımııalyq kompanııa» JShS – 642 qyzmetkerdiń 333-i (52%). «QazMunaıGaz» UK» – 62 600 qyzmetkerdiń 28 039-y (45%).

Aıta keteıik, joǵarydaǵy málimetter vaktsınanyń birinshi komponentin salǵyzý kórsetkishine qatysty. Bul «Samuryq-Qazyna» aktsıonerlik qoǵamy kompanııalar tobynyń qyzmetkerleri koronavırýs ınfektsııasyna qarsy vaktsına salǵyzýda belsendi bolyp otyrǵanyn kórsetse kerek.

Sonymen birge búgingi tańda atalǵan kompanııadaǵy árbir ekinshi qyzmetker vaktsınanyń eki komponentin de salǵyzyp úlgergenin aıtyp ótýimiz qajet.

Qor deregine súıensek, COVID-19-ǵa qarsy vaktsınanyń eki komponentin tolyq salǵyzǵandar sany 138 652 adamǵa jetken. Bul kompanııalar tobyn qyzmetkerleriniń 50,4% quraıdy. Dál osy kórsetkish «Samuryq-Qazyna» AQ qyzmetkerleriniń jartysynan kóbi koronavırýsqa qarsy ekpeni salǵyzǵanyn dáleldeıdi.

Bıyl sáýir aıynda «Samuryq-Qazyna» qory men onyń portfeldik kompanııalarynda #menekpealdym #ıa_vaktsınırovalsıa sharasy bastalǵan bolatyn. Osy aktsııa sheńberinde Qor top-menedjerleri alǵashqylardyń biri bolyp vaktsına salǵyzyp, áriptesterine úlgi kórsetti. Sonymen birge Qor vaktsına salǵyzý naýqanymen qatar, qaýipsizdik sharalaryn da kúsheıtti. Mysaly, korporatıvtik ortalyqtaǵy qyzmetkerlerdiń 80% qashyqtan jumys isteý tártibine kóshti.

Vaktsına salǵyzý naýqany áli de jalǵasyp jatyr. Qorǵa qarasty kompanııalar qyzmetkerleri vaktsınanyń ekinshi komponentin aldaǵy qyrkúıek aıynyń 1-ne deıin salǵyzýǵa tıis. Eger Qorǵa qarasty kompanııalardyń barlyǵy da halyqpen tyǵyz jumys isteıtin salalardyń qyzmetin úılestiretinin eskersek, vaktsına salǵyzý naýqany qyzý júrgenin baıqaımyz.


Joǵary qaraı