Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Samuryq-Qazyna» qory táýelsiz dırektorlarynyń jalaqysy qysqardy

2022 jyldyń 3 mamyr 2022 13:53

NUR-SULTAN. QazAqparat – «Samuryq-Qazyna» ultyq ál-aýqat qory top-menedjerleriniń jalaqysy qysqardy. Bul týraly qordyń basqarma tóraǵasy Almasadam Sátqalıev aıtty, dep habarlaıdy QazAqparat tilshisi.

«Portfeldik kompanııalar basshylarynyń jalaqysy týraly aıtar bolsaq, ol kompanııanyń qarjylyq kórsetkishterine oraı bekitiledi. Normatıvter 2016 jyly bekitilip, sodan beri áli ózgergen joq. Syıaqy, syılyqaqy qory jaıynda sóz qozǵasaq, ol da qyzmet kórsetkishterine, jeke nemese korporatıvtik josparlardyń oryndalýyna tikeleı baılanysty. ıAǵnı, bul soma da bıýdjettermen shekteledi», - dedi Almasadam Sátqalıev.

Sonymen qatar ol táýelsizdi dırektorlardyń jalaqysyna qatysty málimettermen bólisti.

«Tanymal, biliktiligi joǵary, halyqaralyq deńgeıdegi mamannyń bolýy qyzmetimizdiń ashyqtyǵyn bildiredi jáne halyqaralyq ınvestıtsııalyq qaýymdastyqtyń senimin qamtamasyz etedi. Táýelsiz dırektorlar barlyq aktsıonerlerdiń, onyń ishinde memlekettiń de qorǵanysyn qamtamasyz etetindigin túsiný qajet. Óıtkeni, olar úshin bedel táýekeli, menedjment sapasy, ashyqtyq máseleleri, qatelik jibermeý – negizgi jumys. Ádette mundaı adamdardyń jalaqysy joǵary bolady», - dedi qor basshysy.

Degenmen, Almasadam Sátqalıev táýelsiz dırektorlardyń jalaqysy qaıta qaralyp, qysqarǵanyn jetkizdi.

«Táýelsiz dırektorlardyń jalaqysyn, syılyqaqylaryn barynsha qysqartý jumysy júrgizildi. Shamamen 30 paıyzǵa qysqarttyq. Basshylyq qyzmetkerlerdiń jalaqysy qysqarǵan joq. Biraq, biz basqa jolmen júrip, basqarýshy dırektorlardyń sanyn eki esege azaıttyq jáne jalaqy qory qysqardy», - dedi ol.


Joǵary qaraı