Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Samarqanda polıtsııa qazaqstandyq týrısterdi sebepsiz ustap, ýchaskege aparǵan

2022 jyldyń 23 mamyr 2022 14:23

TAShKENT. QazAqparat – Samarqannyń ІІB qyzmetkerleri qazaqstandyq týrısterdi zańsyz ustap, arnaıy tehnıkalyq quraldardy qoldanǵan. Bul týraly Ózbekstan ІІD Telegram kanalynda vedomstvonyń baspasóz qyzmetiniń basshysy Shohrýh Gııasov málim etti, dep habarlaıdy QazAqparattyń menshikti tilshisi.

«Mamyr aıynyń 20-synan 21-ine qaraǵan túni Samarqan qalasynda ІІB patrýl-kúzet qyzmetiniń túngi ýaqytta qyzmet atqarý úshin tartylǵan qyzmetkerleri Mırzo Ulyqbek kóshesinde týrısterdiń jeke basyn tekserý barysynda kásibı etıka normalaryn óreskel buzyp, qyzmet babyn jáne arnaıy tehnıkalyq quraldardy qoldaný jónindegi ókilettigin asyra paıdalanǵan», - dep málimdedi ІІM resmı ókili.

Ol atalǵan fakti boıynsha Ózbekstan Respýblıkasy ІІM jeke qaýipsizdik qyzmeti prokýratýra organdarymen birlesip qyzmettik tekserý júrgizip jatqanyn aıtty.

Onyń qorytyndysy boıynsha zań buzǵan búkil qyzmetkerdi, sondaı-aq olardyń basshylaryn jaýapqa tartý jáne qyzmetinen shettetý máselesi qaralady.

Oqıǵa týraly «Tashkenttiń qara tizimi» atty Instagram paraqshada jarııalandy.

Oǵan sensek, 21 mamyrǵa qaraǵan túni Samarqanda tártip saqshylary birneshe týrısti, onyń ishinde Qazaqstannan kelgen týrısterdi de ustaǵan.

Týrısterdiń qujaty bolǵanyna qaramastan, olardyń jeke basyn anyqtaý úshin elektroshokerdi qoldana otyryp, májbúrlep ýchaskege jetkizgen.

Bul rette tártip saqshylary Samarqandaǵy «komendanttyq saǵatty» negizge alyp otyr.


Basty sózder: Polıtsııa, Oqıǵa, Ózbekstan,
Joǵary qaraı