Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Salyq eseptiliginiń usyný merzimin qalaı uzartýǵa bolady

2022 jyldyń 14 qańtar 2022 17:15

NUR-SULTAN. QazAqparat - Elektrondy nysanda usynylǵan jaǵdaıda salyq eseptiliginiń usyný merzimin uzartýǵa bolady. Ol úshin tıisti habarlamany qaǵaz nemese elektrondy túrde tirkelgen jeri boıynsha memlekettik kirister organyna jiberý qajet, dep habarlaıdy QazAqparat QR QM Memlekettik kirister komıtetine silteme jasap.

Memleket basshysynyń «Tótenshe jaǵdaıdy engizý týraly» 2022 jylǵy 5 qańtardaǵy №732 Jarlyǵyna sáıkes Qazaqstan Respýblıkasynda
2022 jylǵy 5 qańtardan bastap 19 qańtarǵa deıin tótenshe jaǵdaı rejımi engizilýine baılanysty Internettiń dúnıejúzilik kompıýterlik jelisine qoljetimdilik shektelgen.

Osyǵan baılanysty salyqtyq eseptiligin elektrondy túrde usyný múmkindigi shekteýli.

«Salyq kodeksiniń 212-babyna sáıkes salyq tóleýshiler taýarlardy ákelý jáne janama salyqtardy tóleý týraly ótinishti qospaǵanda, salyqtyq eseptilikti elektrondy nysanda usynǵan jaǵdaıda ony usyný merzimin uzartýǵa quqyly», - deıdi Memlekettik kirister komıteti.

Salyqtyq eseptilikti usyný merzimin uzartý úshin tirkeý esebine qoıylǵan jeri boıynsha memlekettik kirister organyna ýákiletti organ belgilegen nysanǵa baılanysty, onyń ishinde «Azamattarǵa arnalǵan úkimet» Memlekettik korporatsııasy arqyly salyqtyq eseptilikti usyný úshin Salyq kodeksiniń belgilengen merzim ótkenge deıin habarlama qaǵaz jetkizgishte nemese elektrondyq nysanda jiberilýi qajet.

Habarlamany elektrondy túrde Memlekettik kirister komıtetiniń «Salyq tóleýshiler kabıneti» web-qosymshasy, «elektrondyq úkimet» portaly (egov.kz) arqyly jiberýge bolady.

Korporatıvtik tabys salyǵy boıynsha avanstyq tólemder somalarynyń esep-qısabyn qospaǵanda, salyqtyq eseptilikti usyný merzimi:

- korporatıvtik tabys salyǵy nemese jeke tabys salyǵy boıynsha deklaratsııany tapsyrý úshin belgilengen merzimnen bastap kúntizbelik otyz kúnnen aspaıtyn;

- salyqtardyń, bıýdjetke tólenetin tólemderdiń, áleýmettik tólemderdiń ózge de túrleri boıynsha deklaratsııany jáne (nemese) esep-qısapty usyný úshin belgilengen merzimnen bastap kúntizbelik on bes kúnnen aspaıtyn;

- táýekelderdi basqarý júıesi boıynsha táýekelder deńgeıi tómen salyq tóleýshiler úshin salyqtardyń, bıýdjetke tólenetin tólemderdiń, áleýmettik tólemderdiń ózge de túrleri boıynsha deklaratsııany tapsyrý úshin belgilengen merzimnen bastap kúntizbelik otyz kúnnen aspaıtyn kezeńge uzartylady.

Tıisinshe, qańtarda tapsyrylýy tıis 101.01 jáne 328.00 nysandary boıynsha salyqtyq eseptiligin usyný merzimi uzartylmaıdy.

Arnaýly salyq rejımin qoldanatyn dara kásipkerdi qospaǵanda, salyqtyq eseptilikti usyný merzimi táýekelderdi basqarý júıesi boıynsha táýekel deńgeıi joǵary salyq tóleýshige qatysty uzartylmaıdy.

Tıisinshe, táýekelderdi basqarý júıesine sáıkes táýekeldiń joǵary deńgeıi bar, zańdy tulǵalarǵa, sondaı-aq jalpyǵa birdeı belgilengen tártipti qoldanatyn dara kásipkerlerge salyqtyq eseptilikti tapsyrý merzimi uzartylmaıdy.

Mysaly, «Jeke tabys salyǵy jáne áleýmettik salyq boıynsha deklaratsııa» 200.00-nysan boıynsha 2021 jylǵy 4-toqsanǵa salyqtyq eseptiligin tabys etý merzimi 2022 jyldyń 15 aqpanynda aıaqtalady.

Bul mysalda, eger táýekelder deńgeıi:

ortasha bolsa – salyq tóleýshilerdiń barlyq sanattary úshin;

joǵary bolsa – arnaýly salyq rejımin qoldanatyn dara kásipkerlerge 200.00-nysan boıynsha salyq eseptiligin usyný merzimi belgilengen merzimnen bastap kúntizbelik 15 kúnnen aspaıtyn kezeńge uzartylady.

Sáıkesinshe, deklaratsııanyń usyný merzimi uzartylǵan jaǵdaıda, deklaratsııany 2022 jyldyń 2 naýryzynan keshiktirmeı tapsyrý qajet.

Bul rette eger táýekelder deńgeıi tómen bolsa, onda deklaratsııany tapsyrý merzimi kúntizbelik 30 kúnnen aspaıtyn kezeńge uzartylady, ıaǵnı merzimin uzartqan salyq tóleýshiler 2022 jyldyń 17 naýryzynan keshiktirmeı tapsyrýy kerek.

Ekinshi mysal, 2021 jyldyń ekinshi jartyjyldyǵy úshin 910.00 nysandaǵy ońaılatylǵan deklaratsııany tapsyrý merzimi 2022 jyldyń 15 aqpanynda aıaqtalady. Deklaratsııany tapsyrý merzimi 200.00-nysandaǵy salyq eseptiligindeı uzartylady.


Joǵary qaraı