Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Saǵyntaev almatylyqtardy koronavırýstan vaktsınamen qorǵanýǵa shaqyrdy

2021 jyldyń 16 maýsym 2021 19:48

ALMATY. QazAqparat - «Almaty» telearnasyndaǵy Akimat LIVE baǵdarlamasynyń tikeleı efıri barysynda Baqytjan Saǵyntaev sanıtarlyq-epıdemıologııalyq ahýal jáne vaktsınatsııa qarqyny týraly aıtty, dep habarlaıdy QazAqparat tilshisi.

15 maýsymdaǵy málimetke sáıkes, koronavırýs ınfektsııanyń 112 jaǵdaıy tirkeldi, onyń ishinde 95 jaǵdaı sımptomdy jáne 17 jaǵdaı sımptomsyz.

Táýliktik ósim – 0,1%. Reprodýktıvti sany – 0,777.

Infektsııalyq statsıonarlarda 706 adam, onyń ishinde 26 bala jatyr. Onyń 26-nyń jaǵdaıy óte aýyr, 196-sy aýyr halde, 484-i ortasha aýyrlyq dárejesinde.

Telemedıtsına ortalyǵynyń baqylaýynda 923 patsıent bar, onyń ishinde 196-y sımptomsyz, 712-si jeńil jáne 15-i ortasha aýyrlyq dárejesinde.

«16 maýsymdaǵy jaǵdaı boıynsha 351 497 adam vaktsına aldy, onyń ishinde 5 168 polıtsııa qyzmetkeri, 25 427 pedagog, 30 630 dáriger. Jalpy vaktsına alǵandardyń ishinde 39 026-sy - 60 jastan (11,1%) asqan adamdar. Búginde 235 107 adamǵa eki komponentten vaktsına egildi. Almatylyqtardy koronavırýstan vaktsınamen qorǵanýǵa shaqyramyn»,-deıdi Almaty ákimi.

Búginde medıtsınalyq uıymdarda, mektepterde, mádenı jáne sporttyq mekemelerde, bazarlarda jáne qalanyń SOSO-da 212 vaktsınalaý pýnkti jumys isteıdi.

Bularǵa 1260 adamnan turatyn 308 ekpe brıgadasy jumyldyrylǵan.

Joǵary qaraı