Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Sadrıddın Ahmedov Meksıkada 3 tıtýl úshin aıqas ótkizedi

2021 jyldyń 27 qańtar 2021 16:45

NUR-SULTAN. QazAqparat – 29 qańtar kúni Meksıkanyń Kýernavake qalasynda qazaqstandyq kásipqoı boksshy Sadrıddın Ahmedov (11-0, 10KO) Nıderland ókili Stıven Danoǵa (17-3-3, 6KO) qarsy jekpe-jek ótkizedi, dep habarlaıdy QazAqparat.


VKontakte áleýmettik jelisindegi «Qazaqstannyń kásipqoı boksy» paraqshasynda málim etilgendeı, bastapqyda boksshylar orta salmaqtaǵy 4 beldikti sarapqa salatyny aıtylǵan: WBA Continental, NABF, WBC Francophone jáne NABO. Alaıda, qazir BoxRec.com saıtynda jekpe-jek profılinen NABO tıtýly alynyp tastalǵan.

«Shoý uıymdastyrýshysy - Eye of the Tiger Management kompanııasy da boksshylar 4 emes, 3 beldik úshin judyryqtasatynyn málim etti. Іs-shara Qazaqstan ýaqyty boıynash 30 qańtar kúni ótedi», - delingen aqparatta.

Aıta keteıik, Sadrıddın Ahmedov sońǵy ret rıngke 2019 jyldyń jeltoqsanynda shyqqan bolatyn. Bul onyń Meksıkadaǵy alǵashqy jekpe-jegi bolmaq. Ol buǵan deıin tek Kanadada óner kórsetip keldi. Sondaı-aq «Soldat Q» bir ret Qazaqstanda jekpe-jek ótkizdi.


Perevod Mıra Tólendiqyzy
Basty sózder: Boks, Sport,
Joǵary qaraı