Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Sadaq atýdan el chempıonatyna júzge jýyq sportshy qatysady

2020 jyldyń 28 qazan 2020 21:50

NUR-SULTAN. QazAqparat - Erteń Almaty oblysyndaǵy «Aqbulaq» olımpıada ortalyǵynda sadaq atýdan kezekti el chempıonaty bastalady, dep habarlaıdy Olympic.kz.

Týrnırge elimizdiń segiz óńirinen júzge jýyq sportshy qatysady. Uıymdastyrýshylar koronavırýs indetine baılanysty jarys erejesine kóptegen ózgertýler engizdi.

Atap aıtar bolsaq, Qazaqstan birinshiliginiń saltanatty túrde ashylý jáne jabylý saltanaty ótkizilmeıdi. Sondaı-aq, bapkerler men sportshylar qatysýymen baspasóz máslıhaty uıymdastyrylmaıdy.

Jeńimpazdar men júldegerlerdi marapattaý rásiminde de barlyq talaptar saqtalady. Týrnırge qatysatyn sportshylardyń PTR testi teris nátıje kórsetýi kerek. Test oń nátıje kórsetken jaǵdaıda sportshy jarysqa qatystyrylmaıdy.

Ár komandanyń qasynda óz dárigeri júredi. Olar qatysýshylardyń densaýlyǵy týraly uıymdastyrýshylarǵa habarlap otyrýǵa mindetti.

Chempıonattyń fınaldyq kezeńi 3 qarashaǵa josparlanǵan.


Basty sózder: Sport,
Joǵary qaraı