Aýa raıy
Astana 22 °S
Almaty 28 °S
valıýta baǵamy
USD 412.55
EUR 465.73
RUB 5.79
CNY 58.91

Sabaqtyń toqtatylýy men joldardyń jabylǵanyn habarlandyratyn mobıldik qosymsha jasaldy

2019 jyldyń 13 qarasha 2019 18:16

NUR-SULTAN. QazAqparat – Qazaqstanda joldardyń jabylýy, sabaqtardyń toqtatylýy jáne seısmıkalyq qaterler týraly habarlandyratyn mobıldik qosymsha jasaldy, dep habarlaıdy QazAqparat tilshisi.

«QR ІІM Tótenshe jaǵdaılar komıteti «I2NIK» kompanııasymen birlese otyryp, «Darmen» mobıldik qosymshasyn iske qosty. Ol daýyldy gıdrometeorologııalyq qubylystar, seısmıkalyq qaterler, qysqy kezeńde avtomobıl joldarynyń jabylýy, respýblıkanyń barlyq aýmaǵyndaǵy profılaktıkalyq jáne basqa da is-sharalar týraly halyqty ýaqytyly habardar etýge múmkindik beredi. Sonymen qatar qysqy kezeń bastalǵannan keıin atalǵan qosymsha mektep oqýshylary men olardyń ata-analaryn aýa raıynyń qolaısyzdyǵyna baılanysty mektepterde sabaqtardyń toqtatylǵany týraly habar taratady», - dep atap ótedi QR ІІM TJ komıtetiniń baspasóz qyzmetinen.

«Darmen» mobıldik qosymshasy «Play market /darmen/» jáne «App store /darmen/» júkteý úshin qoljetimdi. Qosymshany júktegennen keıin tıisti óńirdi tańdaý qajet. Jedel habarlama push-habarlamalar arqyly jetkiziledi.

Joǵary qaraı