Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sabaq kezinde shirkeıdi ýlaý júrgizilgen: Aqtóbede mektep dırektory jazalandy

2021 jyldyń 15 qazan 2021 17:59

AQTÓBE. QazAqparat – Aqtóbede sabaq kezinde usaq shybyndarǵa qarsy ýlaý júrgizýge ruqsat bergen mektep dırektoryna qatań sógis berildi, dep habarlaıdy QazAqparat tilshisi.

«№9 mektep-gımnazııanyń dırektory qalalyq bilim bólimine dezınfektsııa júrgiziletini týraly habarlamady. Oqý protsesi kezinde dezınfektsııalyq jumystar júrgizgeni úshin mektep dırektoryna qatań sógis berildi. Oblystyq Bilim basqarmasynyń basshysy mektep ákimshiligimen jınalys ótkizip jatyr. Qosymsha aqparat beriledi», - dedi qalalyq bilim bóliminiń basshysy Metgúl Qosymbaeva.



Eske salaıyq, mektep basshylyǵy men dezınfektsııa jumystaryn júrgizetin mekeme arasynda kelisimshart jasalyp, shirkeılerdi ýlaý keshe, 14 qazanda sabaq kezinde júrgizilgen.

Aqtóbe oblystyq Sanıtarııalyq-epıdemıologııalyq baqylaý basqarmasynyń habarlaýynsha, óńdeý júrgiziletin jerlerde óńdeýge qatysy joq adamdardyń bolýyna ruqsat etilmeıdi. Sol sebepti qazir tekserý júrip jatyr.

Al «Dezınsektsııa qyzmeti» medıtsınalyq mekemesi ýlaý kezinde shirkeıge, usaq jándikke arnalǵan «K-Otrın SK 50» ınsektıtsıd preparatyn qoldanǵanyn aıtty. Olar nysandar ishin taraqandar men shybyn-shirkeıge qarsy ýlaýda qoldanylady.

«Ýlaýda ystyq tuman ádisi qoldanyldy. Bul preparat 12.1.007-76 Memlekettik standarty boıynsha aǵzaǵa qaýipsizdigi tómen 4-sanatqa jatady», - dep jazylǵan «Qyzmet kórsetý» medıtsınalyq mekemesiniń habarlamasynda.


Joǵary qaraı