Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sabaq alýymyz kerek: Ashat Aımaǵambetov Qazan mektebindegi oqıǵaǵa pikir bildirdi

2021 jyldyń 12 mamyr 2021 13:00

NUR-SULTAN. QazAqparat - Bilim jáne ǵylym mınıstri Ashat Aımaǵambetov Tatarstannyń Qazan qalasynda bolǵan jaǵdaıǵa baılanysty pikir bildirdi, dep habarlaıdy QazAqparat.

«Qazan qalasynyń mektebinde bolǵan terrorlyq akt kezinde qaza tapqandardyń otbasylaryna qaıǵyryp kóńil aıtamyn. Qaıǵyly jaǵdaı eshkimdi beıjaı qaldyrǵan joq, árqaısymyzdyń júregimizge aýyr tıip, zor kúızelispen qabyldadyq. Biz osy qaıǵyly oqıǵalardan sabaq alýymyz kerek. Keshe osy máseleler boıynsha keńes ótkizdim. Aǵymdaǵy jaǵdaıǵa taldaý júrgizýdi jáne jaqyn arada balalardyń qaýipsizdigin qamtamasyz etý boıynsha barlyq deńgeılerde qosymsha keshendi sharalar qabyldaýdy tapsyrdym» dep jazdy mınıstr Facebook paraqshasynda.

Ashat Aımaǵambetovtyń aıtýynsha, bul tek baqylaý kameralary, ótkizý rejımi, kúzet dabyly, dabyl túımeleri ǵana emes, sonymen qatar tótenshe jaǵdaıdaǵy qyzmetkerler men oqýshylardyń minez-qulqy máselesi de asa mańyzdy. Kóp nárse naqty jáne damyǵan áreketterge baılanysty.

«Psıhologııalyq qyzmetterdiń jumysyna jáne qolaıly jaǵdaılar jasaýǵa nazar aýdarý kerek. Bul - úlken jáne birlesken jumys. Balalar – biz úshin eń qymbat jáne olardyń qaýipsiz bolýyna bar jaǵdaıdy jasaýymyz qajet» dep túıindedi sózin Bilim jáne ǵylym mınıstri.

Eske sala keteıik, 11 mamyrda Qazan qalasyndaǵy Faızı kóshesindegi mektepte belgisiz eki adam oq jaýdyrǵan bolatyn.

Buǵan deıin atys kezinde 8 adam qaza taýyp, taǵy 21 adam zardap shekkeni habarlanǵan edi.

Aıta keteıik, memleket basshysy Qasym-Jomart Toqaev Qazan qalasyndaǵy gımnazııada reseılik oqýshylardyń qaza tabýyna baılanysty Reseı Federatsııasynyń Prezıdenti Vladımır Pýtınge kóńil aıtty.

Qaıǵyly jaǵdaıǵa baılanysty Tatarstan Prezıdenti Rýstam Mınnıhanov 12 mamyrdy respýblıkada aza tutý kúni dep jarııalady.


Joǵary qaraı