Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Rýmynııa Parlamenti Qazaqstanmen qarym-qatynasty jandandyrmaq

2021 jyldyń 23 shilde 2021 17:51

NUR-SULTAN. QazAqparat – Rýmynııa Parlamenti Senatynyń Tóraıymy Anka Dragýmen Qazaqstan Elshisi Nurbah Rústemovty qabyldady. Taraptar ekijaqty baılanystardyń jaı-kúıi men keleshegin talqylap, parlamentaralyq baılanystardyń damý deńgeıiniń joǵary ekendigin atap ótti, dep habarlaıdy QR SІM baspasóz qyzmeti.

A. Dragý Elshiliktiń bastamalaryn tolyq qoldaıtynyn jáne olardy júzege asyrýǵa, sondaı-aq ekijaqty formattaǵy, ásirese saýda-ekonomıkalyq saladaǵy basqa da jobalarǵa qatysýǵa qyzyǵýshylyq bildirdi. Ol Qazaqstan tarapyna Rýmynııanyń uly aqyny Mıhaı Emıneskýdiń jaqyn arada Nur-Sultanda ashylýy josparlanǵan bıýstin ornatý týraly sheshimi úshin shynaıy rızashylyǵyn bildirdi.

Senat tóraıymy bul mańyzdy mádenı oqıǵany elimizdiń táýelsizdiginiń 30 jyldyǵyna oraı Býharestte «Qazaqstan» skveriniń ashylýymen birge eki halyq arasyndaǵy dostyqtyń jarqyn kórinisi retinde qarastyratynyn aıtty.

Taraptar sondaı-aq Rýmynııada qazaqtyń uly kompozıtory Qurmanǵazy Saǵyrbaıulynyń jáne Qazaqstanda uly rýmyn kompozıtory Djordje Eneskýdiń bıýstin ashýǵa arnalǵan is-sharalardy talqylady.








Joǵary qaraı