Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Rýmen Radev Bolgarııanyń prezıdenti bolyp qaıta saılandy

2021 jyldyń 24 qarasha 2021 09:10

SOFIıA. Sınhýa-QazAqparat –– Bolgarııa Ortalyq saılaý komıssııasy seısenbi kúni eldiń qazirgi prezıdenti Rýmen Radevtiń prezıdent saılaýynyń ekinshi kezeńinde jeńiske jetip, atalǵan laýazymǵa qaıta saılanǵanyn málim etti, dep habarlaıdy QazAqparat Sınhýa agenttigine silteme jasap.

OSK jarııalaǵan daýys berý nátıjesine sáıkes, R. Radev jeksenbi kúni ótken prezıdent saılaýynyń ekinshi kezeńinde 66,72 paıyz daýys jınady. Onyń qarsylasy, Sofııa ýnıversıtetiniń rektory Anastas Gerdjıkovke elektorattyń 31,8 paıyzy daýys bergen.

14 qarashada Bolgarııada prezıdent saılaýy ótti. 23 kandıdattyń ishinen eshbiri jetkilikti daýys jınamaǵandyqtan jáne daýys berýge kelgen turǵyndar sany 50 paıyzǵa jetpegendikten, birinshi kezeńde prezıdent saılanbady. Birinshi týrda kósh bastaǵan R. Radev pen A. Gerdjıkov ekinshi týrǵa qatysty.

R. Radev 1963 jyly týǵan, ol uzaq ýaqyt boıy eldiń Qarýly kúshterin basqaryp keldi. 2016 jyldyń qarashasynda ótken prezıdent saılaýynda jeńiske jetip, 2017 jyldyń qańtarynda Bolgarııa prezıdenti retinde qyzmetin bastady. Konstıtýtsııaǵa sáıkes, prezıdent bes jylǵa saılanady. Ol tek bir ret qana qaıta saılana alady.


Basty sózder: Álem, Saılaý,
Joǵary qaraı