Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Rýlde polıtseı bolǵan: Qaraǵandyda jol apatynan sábı kóz jumdy

2021 jyldyń 20 qazan 2021 01:31

QARAǴANDY. QazAqparat – Qaraǵandy qalasynda eki jeńil kólik soqtyǵysyp, saldarynan bir jasar bala kóz jumdy. Kólikterdiń birin polıtsııa qyzmetkeri tizgindegen, dep habarlaıdy QazAqparat tilshisi.

Qaıǵyly oqıǵa 19 qazan kúni saǵat 21.45-te Qaraǵandy qalasynda Respýblıka dańǵyly men Dúısembekov kóshesiniń qıylysynda bolǵan. «Mercedes» avtokóliginiń júrgizýshisi – 37 jastaǵy polıtsııa qyzmetkeri jumysynan úıine qaıtyp bara jatyp, baǵdarshamnyń sary túsine ótip ketken. Saldarynan 29 jastaǵy azamattyń basqarýyndaǵy «VAZ-2114» avtokóligimen soqtyǵysqan.

«Jol-kólik oqıǵasy saldarynan «VAZ-2114» avtokóliginde bolǵan 1 jastaǵy sábı qaza boldy. Júrgizýshi jáne 27 jastaǵy jolaýshy ártúrli jaraqattarmen aýrýhanaǵa jetkizildi. Atalǵan fakti boıynsha Qazaqstan Respýblıkasy Qylmystyq kodeksiniń 345-baby 3-bóligine sáıkes qylmystyq is qozǵaldy. «Mercedes» avtokóliginiń 37 jastaǵy júrgizýshisi ýaqytsha ustaý ızolıatoryna qamaldy», - dep málim etti oblystyq Polıtsııa departamentiniń baspasóz qyzmetinde.


Joǵary qaraı