Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Rýhııa «Slavıan bazarynda» kreatıvti oryndaý nátıjesinde alǵa sýyrylyp shyqty – ánshiniń ustazy

2021 jyldyń 21 shilde 2021 09:58

NUR-SULTAN. QazAqparat – Belarýs eliniń Vıtebsk qalasynda ótken «Slavıan bazary» konkýrsynyń jeńimpazy Rýhııa Baıdúkendi Nur-Sultan áýejaıynan ustazdary men jaqyndary kútip aldy, dep habarlaıdy QazAqparat tilshisi.

Qazaq ulttyq óner ýnıversıtetiniń oqytýshysy Elena Volovıkova jeńimpaz shákirtin qarsy alý kezinde onyń Belarýs jerinde kórsetken ónerine baǵa berdi.

«Rýhııa bul joly án oryndaý kezinde batys tehnıkasyn qoldanatyn kreatıvti mýzykant, vokalıst bolýymen sýyrylyp shyqty. Onyń kórsetken óneri san qyrly boldy. Bul – vokalıstiń qanshalyqty kásibı ekenidiginiń kórsetkishi. Ol ártúrli ádisterdi qoldana alady, jaı án aıtyp qana qoımaı, ózgerip otyrady. Al ondaı deńgeıdiń ar jaǵynda tynymsyz ári túpsiz eńbek jatyr. Týa bitti talant sáttilikke 50% ǵana sep bola alady. Qalǵany – eńbektiń arqasy. ıAǵnı, kúndelikti sabaq pen kúndelikti jattyǵýlar jemisin berip jatyr. Bul jeńiske ol bir kúnde jete salǵan joq. Bala kúninen beri osyndaı bıikke órmelep, tyrmysyp jetti», - dedi Elena Volovıkova.

Kásibı maman endi Rýhııa Baıdúkenovaǵa óz áleýetin ashatyn jaqsy án jazǵyzyp, soǵan beıneklıp shyǵarý kerektigin aıtady.

«Ol ár vokalıstiń qolynan kele bermeıtin qıyn ánderdi aıtý arqyly joǵary deńgeı kórsetti. Rýhııa bul mejeni baǵyndyrdy. Kúrdeli ánderdi minsiz oryndap qana qoımaı, olarǵa jańa ár berdi. ıAǵnı tanymal ánderge óz janynan mazmun qosty. Onyń oryndaý mánerinde sýretshiniń qoltańbasy bar. Ol shyrqaǵan ánder múldem basqa boıaýlarmen qanyǵyp shyǵa keledi», - dedi E.Volovıkova.

Buǵan deıin habarlaǵanymyzdaı, Rýhııa Baıdúken óz jeńisin qazaq eline arnaıtynyn aıtty.

Aıta keteıik , 14 memleketten kelgen qatysýshy slavıan elinen shyqqan kompozıtordyń týyndysyn slavıan tobyna jatatyn tildiń birinde orkestrdiń súıemeldeýimen oryndady. Baıqaý nátıjesinde jerlesimiz Gran-prı ıegeri atanyp, «Altyn lıra» músinshesimen birge 20 myń AQSh dollaryna ıe boldy.

Baıqaý jeńimpazy Rýhııa Baıdúkendi Memleket basshysy Qasym-Jomart Toqaev arnaıy quttyqtady.

Odan bólek, jas ánshini jeńisimen elimizdiń Mádenıet jáne sport mınıstri Aqtoty Raıymqulova da quttyqtady.

«Baıqaýǵa jalǵyz ózim bardym. Aldymen Belarýs astanasy Mınskide prezıdent orkestrimen daıyndyq ótkizdik, sosyn Vıtebskige bardyq. Baıqaý eki kúnge sozyldy, jeńiske jetetinime alǵashynda kúmándandym, sebebi qarsylastarym myqty boldy. Degenmen barynsha ózime senimdilik tanyttym», - deıdi ol.


Avtor Esimjan Naqtybaı
Basty sózder: Mádenıet,
Joǵary qaraı