Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Rýdnyılyq polıtseıler joǵalyp ketken tórt jasar qyzdy taýyp aldy

2021 jyldyń 16 sáýir 2021 09:48

QOSTANAI. QazAqparat – Rýdnyı qalasynyń polıtseıleri joǵalyp ketken tórt jasar qyzdy ákesimen qaýyshtyrdy, dep habarlaıdy QazAqparat tilshisi Qostanaı oblysy Polıtsııa departamentiniń baspasóz qyzmetine silteme jasap.

«Saǵat 19:30-da polıtsııanyń ýchaskelik pýnktine jigit pen q yz kelgen. Olardyń janynda 3-4 jas shamasyndaǵy kishkentaı qyz bolǵan. Jastar jylap turǵan balany kósheden kórip qalǵandaryn aıtty. Búldirshin óziniń esiminen basqa eshteńe aıta almaǵan, qorqyp qalǵan», - dep habarlady polıtsııa.

Jastar kishkentaı qyzdy polıtsııa bólimshesine alyp kelgen. Polıtsııa qyzmetkerleri Aıdos Qulymbetov pen Ádil Іlııas Ksıýsha esimdi qyzdy ózderimen alyp júrip, onyń ata-anasyn izdeýge attanǵan.

«Biz izdeýge kiristik, aýmaqty jaıaý araladyq. Bizdiń óz ýchaskemizden tabylar dep oıladyq. Dúkenderge kirip, adamdardan suradyq», - deıdi Aıdos Qulymbetov.

Tártip saqshylary balanyń joǵalǵany týraly polıtsııaǵa eshkim júginbegenin anyqtady.

Qaladaǵy dúkenderdiń birinde satýshy kórshi shaǵyn aýdanda buryn oǵan uqsas qyzdy kórgenin aıtty. Polıtseıler sol jerge baryp, azamattardan bul balany kim kórgenin surastyrǵan. Bir jarym saǵat ishinde ýchaskelik polıtsııa ınspektorlary búldirshinniń turǵylyqty jerin anyqtap, balany ákesine bergen.

Bul – bıylǵy jyly ata-anasyna tabystalǵan úshinshi bala. Polıtsııa qyzmetkerleri turǵyndardan balalaryn qaraýsyz qaldyrmaýdy surady.

Avtor: Janna Musabaeva


Basty sózder: Oqıǵa, Qostanaı oblysy, Qoǵam,
Joǵary qaraı