Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Roman Sklıar Qytaı elshisi Chjan Sıaomen kezdesti

2022 jyldyń 28 qańtar 2022 14:40

NUR-SULTAN. QazAqparat – QR Premer-Mınıstriniń birinshi orynbasary Roman Sklıar Qytaıdyń Qazaqstan Respýblıkasyndaǵy Elshisi Chjan Sıaomen kezdesti. QazAqparat bul týraly primeminister.kz saıtyna silteme jasap habarlaıdy.

Kezdesý barysynda ekijaqty yntymaqtastyq pen ózara is-qımyldyń ózekti máseleleri talqylandy.

Qazaqstandyq tarap Qytaı naryǵyna organıkalyq aýyl sharýashylyǵy ónimderin jetkizýge qyzyǵýshylyq tanytty. Taraptar «taza energııa», jasyl damý jáne IT-tehnologııalar salasyndaǵy jańa birlesken jobalardy júzege asyrýdaǵy aıtarlyqtaı áleýetti atap ótti.

Sondaı-aq, eki el arasyndaǵy júk tasymaly men turaqty áýe qatynasynyń jaǵdaıy týraly jan-jaqty pikir almasý boldy.

R. Sklıar Chjan Sıaony kele jatqan Qytaı Jańa jylymen, sondaı-aq aǵymdaǵy jyldyń aqpan aıynda Beıjińde ótetin XXIV qysqy Olımpıada oıyndarymen quttyqtap, osy aıtýly sharanyń sátti ótýine tilektestik bildirdi.

Chjan Sıao Qazaqstanmen yntymaqtastyq Qytaıdyń syrtqy saıasatyndaǵy basym baǵyttardyń biri ekenin atap ótti. Qazaqstannyń jaqyn kórshisi jáne dosy bola otyryp, kez kelgen táýekelder men qıyndyqtarǵa qaramastan Qytaı senimdi seriktes bolyp qala beretinin jáne qazaqstandyq tarapqa qajetti qoldaý men kómek kórsetýge daıyn ekenin aıtty.

Eki el arasyndaǵy qarym-qatynas tyǵyz syndarly dıalog pen ózara tıimdi yntymaqtastyqqa negizdelgen. BUU, ShYU, AÓSShK sııaqty halyqaralyq qurylymdar aıasynda eki el arasynda tyǵyz ózara is-qımyl jolǵa qoıylǵan.

Qazaqstan men Qytaı arasyndaǵy 30 jyldan astam dıplomatııalyq qarym-qatynas kezeńinde strategııalyq seriktestik jańa deńgeıge kóterilip, barlyq shekaralyq máseleler túpkilikti rettelip, berik quqyqtyq baza quryldy.

Qytaı Qazaqstannyń iri syrtqy saýda jáne ınvestıtsııalyq seriktesteriniń biri bolyp qala beredi, 2021 jyldyń 11 aıynda taýar aınalymy 17 mlrd dollardy quraǵan. Taraptar strategııalyq seriktestikti tolyq júzege asyra otyryp, eki memlekettiń halyqtarynyń ıgiligi úshin saýdany, ınvestıtsııany jáne iri jobalardaǵy yntymaqtastyqty damytýdy jalǵastyrýda.




Joǵary qaraı