Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Roman Sklıar Qazaqstanda kóliktiń qymbattaý sebebin túsindirdi

2022 jyldyń 13 mamyr 2022 11:51

NUR-SULTAN. QazAqparat – Álemde avtokólik jappaı qymbattap jatyr jáne osyndaı jaǵdaı Qazaqstanda da baıqalyp tur. Bul týraly QR Úkimet basshysynyń birinshi orynbasary Roman Sklıar málim etti, dep habarlaıdy QazAqparat tilshisi.

«Avtokóliktiń qymbattaýyna qatysty álemdik trend barshamyzǵa málim. Eger koreıalyq markadaǵy tanymal kólikter bizde qymbattasa, bul avtomoılderge barsha álemde de baǵanyń óskenin kórýge bolady. Atap aıtqanda, metall quny, tasymaldaý qyzmetteri, logıstıka qymbattady. Osynyń barlyǵy obektıvti trend jáne onyń áserinen aınalyp kete almaımyz», - dedi R. Sklıar elordada munaı-gaz mashına jasaý salasyn damytýǵa arnalǵan forýmda tilshiler saýalyna jaýap bere otyryp.

Onyń aıtýynsha, avtodılerler qoldanystaǵy zańnama aıasynda óziniń qyzmetin júrgizip jatyr.

«Olar shetelden avtomobıl satyp alyp, onyń bárin zańnamalyq negizde ótkize alady. Alaıda avtosalondarda qosymsha qyzmetterdi alýǵa májbúrleıtinderge qatysty toqtalsaq, olardyń jumysyn tıisti memlekettik organdar tekserýi kerek», - dedi Úkimet basshysynyń orynbasary.

Budan buryn habarlaǵandaı, 16 mamyrdan bankter jeńildetilgen avtonesıege ótinimdi qabyldaýdy bastaıdy.

Jaqynda Indýstrııa jáne ınfraqurylymdyq damý mınıstri Qaıyrbek Óskenbaev avtonesıe sharttary bekitilgenin aıtqan edi.


Avtor Rýslan Ǵabbasov
Basty sózder: Kólik, QR Úkimeti,
Joǵary qaraı