Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Rımdegi kúres túrleri boıynsha týrnır: QR armııa sportshylary eki altyn medal jeńip aldy

2021 jyldyń 6 naýryz 2021 14:39

NUR-SULTAN. QazAqparat - Italııa astanasynda Qazaqstannyń armııa sportshylary eki altyn jáne kúmis medal jeńip aldy. Matteo Pellıkonany eske alýǵa arnalǵan kúres túrleri boıynsha halyqaralyq reıtıngtik týrnır bastaldy.

Oǵan 32 elden 350-den astam sportshylar qatysýda.

Birinshi jarys kúniniń qorytyndysy boıynsha Armııa ortalyq sport klýby sport rotasynyń merzimdi qyzmet áskerı qyzmetshisi efreıtor Aıdos Sultanǵalı (63 kg) jáne sportshy-nusqaýshy Meıirjan Shermahanbet (67 kg) grek-rım kúresinen chempıon atandy. Kúmis medaldi áskerı balýan Sultan Ásetuly (63 kg) jeńip aldy.




- Bizdiń sportshylar laıyqty óner kórsetti. Dene daıyndyǵy men sheberlikteri joǵary deńgeıde boldy. Aıta ketý kerek, fınalda 63 kelige deıin salmaqta áskerı sportshylar Aıdos Sultanǵalı men Sultan Ásetuly bas synady. Týrnırdiń jeńimpazy Aıdos Sultanǵalı, al kúmis júldeger Sultan Ásetuly atandy,-dep habarlady OSK grek-rım kúresinen komandanyń aǵa jattyqtyrýshysy, Halyqaralyq dárejedegi sport sheberi Nurym Dúısenov.




Esterińizge sala keteıik, bul jarysta olımpıadalyq lıtsenzııalar oınatylmaıdy. Jarystar irikteý kezinde eskeriletin sportshylardyń reıtıngine áser etedi.





Basty sózder: Sport, QR Qorǵanys mınıstrligi,
Joǵary qaraı