Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Rıdder turǵynynan qarý-jaraq arsenaly tárkilendi

2021 jyldyń 23 qyrkúıek 2021 21:06

ÓSKEMEN. QazAqparat – Shyǵys Qazaqstan oblysy Rıdder qalasynyń turǵynynan avtomattar, tapanshalar men granata tárkilendi, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary óńir aýmaǵynda «Ýchaske» jedel aldyn alý sharasyn júrgizip jatyr. Mundaǵy maqsat – qoǵamdyq qaýipsizdikti qamtamasyz etý, zańsyz aınalymdaǵy atys qarýlardy anyqtaý.

Shara barysynda polıtseıler Rıdder qalasynda 46 jastaǵy er adamnyń úıin tekserý kezinde zańsyz saqtalǵan qarý-jaraq arsenalyn tapty. Naqty aıtqanda, 9 mm kalıbrli qoldan jasalǵan tapansha, Kalashnıkov jáne «PPSh» avtomattary, «TT» markaly tapansha, «Tıreks» markaly tapansha-pýlemet, F-1 oqý granatasy, eki pnevmatıkalyq qarý men oqý-dáriler tárkilendi. Bul qarýlar zańsyz áreketter úshin paıdalanylýy múmkin.

«Qazirgi ýaqytta kúdiktige qatysty QR QK-niń 287-baby (qarý men oq-dárilerdi zańsyz satyp alý, saqtaý) boıynsha sotqa deıingi tergeý amaldary júrgizilýde. Er adam 5 jylǵa deıin bas bostandyǵynan aıyrylýy múmkin», - dedi oblystyq PD bastyǵynyń orynbasary Talǵat Shaıahmetov.


Joǵary qaraı