Respýblıkalyq joldardyń barlyǵy ashyq - mınıstrlik

NUR-SULTAN. QazAqparat – Aýa raıynyń qolaısyzdyǵyna baılanysty jabylǵan barlyq jol kólik qozǵalysy úshin ashyldy, dep habarlaıdy QazAqparat tilshisi.

«Respýblıkalyq mańyzy bar avtojoldardaǵy qozǵalys barlyq baǵyttar boıynsha ashyq», - delingen QR Indýstrııa jáne ınfraqurylymdyq damý mınıstrliginiń Telegram paraqshasynda jarııalanǵan aqparatta.

Esterińizge sala ketsek, keshe Soltústik Qazaqstan oblysynda jel kúsheıip, boran soǵý qaýpine baılanysty saǵat 17:00 bastap oblystyq joldarda barlyq baǵyt boıynsha jol jabyldy. Kóliktiń barlyq túriniń júrýine tyıym salynǵan.

Sonymen qatar 20 qańtar saǵat 21:00 bastap aýa raıynyń qolaısyzdyǵyna, naqty aıtqanda boranǵa baılanysty respýblıkalyq mańyzy bar «Almaty - Óskemen» tasjolynyń 778-967 shaqyrymy (Aıagóz qalasy men Jarma aýdany Qalbataý aýylynyń arasy) barlyq avtokólik túrleri úshin jabyldy.

Munan bólek, keshe saǵat 21-15-te Almaty oblysynda aýa raıynyń buzylýyna baılanysty «Almaty-Óskemen» tasjolynyń 25-39 shaqyrymynda, Almaty qalasymen Álı kenti aralyǵynda kóliktiń barlyq túri úshin qozǵalysqa tyıym salynǵan edi.