Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Respýblıkalyq olımpıadanyń jeńimpazdary anyqtaldy

2021 jyldyń 2 mamyr 2021 15:43

NUR-SULTAN. QazAqparat - 30 sáýirde Jalpy bilim beretin pánder boıynsha respýblıkalyq olımpıadanyń qorytyndy kezeńi aıaqtaldy. Bul týraly Bilim jáne ǵylym mınıstrligi baspasóz qyzmetinen málim boldy, dep habarlaıdy QazAqparat.

Oǵan Qazaqstannyń barlyq óńirinen 1600-ge jýyq joǵary synyp oqýshylary qatysty. Olımpıada nátıjesi boıynsha jeńimpazdar men júldegerler anyqtaldy. 122 oqýshy altyn medal, 214 oqýshy kúmis medal jáne 349 qatysýshy qola medalǵa ıe boldy.

Aıta keteıik, olımpıada alǵash ret proktorıng júıesin qoldana otyryp, «bir qatysýshy – bir kompıýter – bir kamera» qaǵıdasy boıynsha ótkizildi.

«Barlyq oqýshylarǵa olımpıadaǵa qatysyp, pánderdi tereńdetip oqýǵa qyzyǵýshylyq tanytqany úshin rızashylyǵymyzdy bildiremiz. Sizderge tek olımpıadada ǵana emes, sonymen qatar barlyq bastamalaryńyzǵa sáttilik tileımiz», - delingen mınıstrliktiń quttyqtaýynda.





Joǵary qaraı