Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Reseıge qarsy sanktsııalar Qazaqstan eksportyna áser etpeıdi – mınıstr

2022 jyldyń 14 mamyr 2022 12:17

NUR-SULTAN. QazAqparat – QR Saýda jáne ıntergratsııalar mınıstri Baqyt Sultanov Reseıge qarsy sanktsııalardyń Qazaqstan eksportyna áser etýi týraly aıtyp berdi, dep habarlaıdy QazAqparat tilshisi.

«Sanktsııalar áser etpeıdi, óıtkeni bizde Eýrazııalyq ekonomıkalyq odaqtyń ishinde birinshi toqsan boıynsha ózara saýda 20%-dan asady. Úshinshi elderge de eksporttyń ósýin baıqap otyrmyz. Byltyr jáne bıyl shıkizattyq emes eksporttyń da ósý kórsetkishteri óte jaqsy. Bul – ónerkásip salalaryn qoldaý jumystarynyń mańyzdy nátıjesi»

, - dedi mınıstr Qazaqstan eksporttaýshylarynyń birinshi forýmynda tilshilerge bergen suhbatynda.




Saýda mınıstri óndiristi memleket tarapynan qoldaý men belgili bir salalar jáne ónimderdi qurý arasynda tikeleı baılanys baryn atap ótti.

«Bizdiń mindetimiz – Eýropalyq odaqpen jumys isteıtin sarapshylarmen birlesip, eksporttyq basymdyqqa jyldam shyǵýǵa múmkindik beretin júıelerdi jasaý. Ol úshin biz birqatar birlesken baǵdarlamalardy júrgizemiz. Saýda jáne ıntegratsııa mınıstrligi eksporttyq akseleratsııa retinde birqatar baǵdarlamalardy iske qosqanyn bilesizder. Biz bes-alty jyl ishinde jyl saıyn 100 jańa eksporttaýshyny shyǵaryp otyramyz. Bul jumys jaqsy júrgizilip keledi. Qazir 500-ge jýyq belsendi eksporttaýshymyz bar. Osy baǵdarlamalardyń arqasynda jáne basqa da memlekettik organdarmen birlesip, belsendi eksporttaýshylardyń sanyn 2025 jylǵa qaraı myńǵa deıin jetkizgimiz keledi»

, - dedi Baqyt Sultanov.




Eske salsaq, Úkimet basshysy Kaspıı portynyń eksporttyq áleýetin arttyrýdy tapsyrdy.









































Joǵary qaraı