Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Reseıdiń Saratov qalasynda úıiniń aýlasynda snarıadty kespek bolǵan er adam mert boldy

2021 jyldyń 24 qazan 2021 09:41

MÁSKEÝ. TASS. QazAqparat – Reseıdiń Saratov qalasynyń tergeý organdary snarıad jarylysynan mert bolǵan er adamǵa qatysty tekserý júrgizip jatyr. O dúnıelik bolǵan adam Saratovtaǵy úıiniń aýlasynda snarıadty temir keskish quralmen kespek bolǵan.

Bul týraly reseılik TASS agenttigi Saratov oblysy Tergeý komıtetiniń baspasóz qyzmetine silteme jasap habarlady.

«56 jastaǵy er adamnyń mert bolýyna baılanysty tergeýge deıingi tekserý uıymdastyryldy. Aldyn ala málimet boıynsha, 23 qazan kúni kúndiz 56 jastaǵy er adam óziniń úıiniń aýlasynda temir kesetin quraldyń (bolgarka) kómegimen snarıadty kespek bolǵan. Sol sátta snarıad jarylǵan. Oqıǵa ornyna shuǵyl jetken tótenshe jaǵdaılar men jedel járdem qyzmetiniń mamandary qansha jantalasqanymen er adamdy aman alyp qala almady»,-delingen habarlamada.

Er adamnyń oqıǵa ornynda mert bolǵany aıtyldy. Oqıǵanyń qalǵan mán-jaıy áli naqtylanyp jatyr. Sot-medıtsınalyq jáne jarylys-tehnıkalyq saraptaý taǵaıyndaldy.


Foto: saratov.aif.ru
Basty sózder: Reseı, Oqıǵa, Álem,
Joǵary qaraı