Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Reseıdiń Qazaqstandaǵy elshisi ІІ dárejeli «Dostyq» ordenimen marapattaldy

2021 jyldyń 21 qańtar 2021 16:30

NUR-SULTAN. QazAqparat - Memleket basshysy Qasym-Jomart Toqaev Reseı Federatsııasynyń Qazaqstandaǵy elshisi Alekseı Borodavkındi ІІ dárejeli «Dostyq» ordenimen marapattady, dep habarlaıdy Aqorda.

Marapattaý rásimi barysynda Qasym-Jomart Toqaev eki el arasyndaǵy odaqtastyq qatynastardy, sondaı-aq, dostyq pen yntymaqtastyqty nyǵaıtý isine eleýli eńbek sińirgeni úshin Reseı Federatsııasynyń elshisi Alekseı Borodavkınge Qazaqstannyń joǵary memlekettik nagradasyn tabystap otyrǵanyn atap ótti.

– Siz halyqaralyq qatynastar máseleleri boıynsha bilikti maman retinde dıplomatııalyq ortalarda tanymalsyz. Reseı Federatsııasynyń Qazaqstandaǵy Tótenshe jáne Ókiletti elshisi retinde memleketterimiz arasyndaǵy dostyqtyń turaqty bolýyna, máńgilik sıpat alýyna zor kúsh salyp kelesiz. Sizdiń atqarǵan úlken ári aýqymdy jumysyńyz úshin rızashylyq bildiremiz. Sonymen qatar Siz jaqynda ǵana jeke ómirińizdegi eleýli mereıtoılyq datany atap óttińiz. Bul – keremet mereıtoı. Atalǵan marapat ta osy aıtýly oqıǵaǵa oraı berilip otyr, – dedi Memleket basshysy.

Alekseı Borodavkın Qazaqstan men Reseı arasyndaǵy odaqtastyq qatynastar men ıntegratsııalyq baılanystardy damytýǵa jáne nyǵaıtýǵa qosqan úlesin joǵary baǵalaǵany úshin Qasym-Jomart Toqaevqa alǵys aıtty.

– Men bul marapatty elderimiz arasyndaǵy baılanystardy damytýǵa jeke ózimniń ǵana emes, sondaı-aq, Qazaqstan baǵytynda eńbek etip jatqan barlyq reseılik dıplomattardyń, eń aldymen, Elshiliktegi áriptesterimniń qosqan úlesine berilgen baǵa dep sanaımyn. Qurmetti Qasym-Jomart Kemeluly, bizdiń odaqtastyq, ıntegratsııalyq baılanystarymyzdy odan ári joǵary ári sapaly deńgeıge kóterý úshin bar kúsh-jigerimdi jumsaı beretinimdi nyq senimmen aıtamyn, – dedi Alekseı Borodavkın.





Joǵary qaraı