Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Reseıdiń Dombaı taý kýrortyndaǵy qar kóshkini: 1 adam mert boldy

2021 jyldyń 19 qańtar 2021 08:21

MÁSKEÝ. TASS – QazAqparat – Reseı Federatsııasy quramyndaǵy Qarashaı-Cherkes respýblıkasyndaǵy Dombaı taý kýrortynda shańǵy jolyn qar kóshkini basyp qalǵan bolatyn. Atalmysh oqıǵa saldarynan 1 adam mert boldy, dep habarlaıdy QazAqparat Reseıdiń TASS agenttigine silteme jasap.

Uzyndyǵy 300 m bolatyn kóshkin Dombaı aýylyndaǵy Mýssa-Achıtara taýyndaǵy shańǵy jolyn basyp qalǵan. Bir adam qaza tapty: ol — «Dombaı» taý shańǵysy sporty jáne snoýbord federatsııasynyń prezıdenti Hadjı-Mýrat Marshankýlov.

Qar úıindisiniń astynda 4-ten 12 adamǵa deıin bolýy múmkin. Bir áıel adam qutqarylyp, dárigerlerge tapsyryldy. Sondaı-aq qardyń astynan alty adam ózi shyqqan. Keıinirek aýyldan taǵy eki adam tiri tabyldy.

«Kóshkin túsken jolda bolýy yqtımal delingen birneshe adam qonaqúıde bolǵan» dep habarlady derekkóz.

Aldyn ala málimetter boıynsha, tórt adam zardap shekti, dep habarlady jedel qyzmetterde.

8-878-226-01-00 jedel jeli telefony jumys istep tur.

TJM málimetinshe, taý shańǵysy jabdyqtaryn jalǵa beretin eki pýnkt kóshkin astynda qalýy múmkin. Sondaı-aq qar kóshkini kafeni qıratty.

TJM zardap shekkenderdi izdeýge 233 adam men 28 tehnıka jumyldyrdy. Іzdestirý-qutqarý jumystary aýa raıynyń qolaısyzdyǵyna baılanysty tańerteńge deıin toqtatyldy.

Prokýratýra tekserý uıymdastyrdy. Oqıǵa ornyna Karachaevsk prokýrory men onyń orynbasary kelip jetti.

Buǵan deıin Karachaevsk-Cherkessııa boıynsha TJM MM 2 myń metrden joǵary taýlarda kóshkin qaýpi týraly shuǵyl eskertý taratqan bolatyn.


Basty sózder: Reseı, Oqıǵa,
Joǵary qaraı