Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Reseıdiń 80 mln paıdalanýshysy bar elektrondy saýda alańynda qazaqstandyqtar ónimderin usyna alady

2021 jyldyń 13 shilde 2021 20:45

NUR-SULTAN. QazAqparat – Reseıdiń Ozon elektrondy saýda alańynda qazaqstandyq óndirýshiler ónimin usyna alatyn boldy, dep habarlaıdy QazAqparat.

Bul týraly Saýda jáne ıntegratsııa mınıstri Baqyt Sultanov Facebook paraqshasynda jazdy.

«Reseılik e-commerce alpaýytynda 16 mıllıon turaqty klıenttiń bazasy jáne 80 mıllıonnan astam aı saıynǵy paıdalanýshy bar. Marketpleıste kıim men taǵamnan bastap balalar ónimderi men kosmetıkaǵa deıingi 20 túrli sanattaǵy taýarlar usynylady. Bul, meniń oıymsha, qazaqstandyq kásipkerler úshin úlken naryq. Endi kez kelgen qazaqstandyq óndirýshi osy ámbebap alańda óz taýaryn usyna alady», - dep jazady mınıstr.

Onyń sózine qaraǵanda, Ozon-da buǵan deıin qazaqstandyq óndirýshilerdiń aıaq kıim ónimderi men zergerlik buıymdary, aýylsharýashylyq ónimderi usynylyp kelgen.

«Biraq Wildberries sııaqty, saıtqa kirý úshin bizdiń kompanııalar Reseı Federatsııasynyń aýmaǵynda fılıaldar ashýǵa májbúr edi. Bul bıznes úshin óte yńǵaısyz jáne qymbat. Logıstıkany jetildirý jergilikti bıznestiń Ozon-ǵa shyǵýyna yqpal etti. Mamyrdan bastap bizdiń kásipkerler Reseıge taýarlardy tikeleı klıentke ózderi nemese úshinshi tarap tasymaldaýshylarynyń kómegimen jetkize alady. Jaqyn arada Ozon sondaı-aq qazaqstandyq bıznestiń taýarlaryn Reseıge tasymaldaıtyn seriktes-logısterdiń tizimin usynady. Sondaı-aq, qazir bizdiń taýarlardy keıinnen Reseı men basqa óńirlerge jetkizý úshin qoımalaý múmkindigi pysyqtalýda», -dep bólisti Baqyt Sultanov

Ozon-da sadýa jasaǵysy keletin qazaqstandyq óndirýshiler myna nusqaýlyq boıynsha tirkele alady: munda tómendegideı qysqa nusqaýlyq bar:

1. seller.ozon.ru. mekenaıy boıynsha saıtta satýshy retinde tirkelý;

2. Kompanııanyń jarǵylyq qujattaryn tirkeý jáne tekserýdi kútý;

3. Naryqtaǵy usynysty qabyldaý;

4. Ónim kartalaryn jasaý;

5. Qoımanyń qaı jerde ornalasqanyn, taýarlardy qaıdan jetkizetindigińizdi kórsetý;

6. Ozon-nan alǵashqy tapsyrysyńyzdy kútý.

Vedomstvo basshysynyń aıtýynsha, Ozon týraly tolyq aqparatty global.ozon.ru saıtynan alýǵa bolady.


Joǵary qaraı