Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Reseıden ákelingen 250 kóliktiń moınynda sot aýyrtpalyǵy bar bolyp shyqty

2021 jyldyń 18 qazan 2021 12:22

NUR-SULTAN. QazAqparat – Reseıden ákelingen 250 kóliktiń moınynda sot aýyrtpalyǵy bar bolyp shyqty, dep habarlaıdy QazAqparat tilshisi.

QR Іshki ister mınıstrligi Ákimshilik polıtsııa komıteti tóraǵasynyń orynbasary Serik Túsipov vedomstvonyń aqparat alańynda ótken onlaın brıfıngide osyndaı málimet keltirdi.

«Qazaqstandyqtardyń shetelden ákelingen kólikterdi paıdalaný máselesin jalǵastyrsaq, osy jyldyń tamyz aıynan bastap ishki ister organdary men memlekettik kirister organdary shekarada jatqan 7 óńirde Qazaqstan aýmaǵyna Reseı Federatsııasynan ákelingen kólikterge tekserý júrgizip jatyr. Barlyǵy 8 myńnan astam mashına tekserildi. Kóliktiń qaıda tirkelgenin jáne moınynda aýyrtpalyǵy bar-joǵyn eki organnyń qyzmetkerleri Reseıdiń keden qyzmetimen birlesip tekseredi. Sonyń qorytyndysy boıynsha sot aýyrtpalyǵy ótelmegen kólikterdiń ákelingeni anyqtalyp otyr», - degen mınıstrlik ókili sózine dálel retinde birneshe mysal keltirdi.

«Mysaly, tamyz aıynda Reseıden ákelingen bir kólikti tirkeýge 100-deı shekteý qoıylǵany belgili boldy. Sondyqtan bul kólik Qazaqstanda tirkeýge alynbaıdy. Óıtkeni Reseıde tirkeýden shyǵarylýy úshin búkil aýyrtpalyqtary ótelýi kerek», - deıdi komıtet basshysynyń orynbasary.

Sondaı-aq, mundaı problemalar kólikterdiń jylyn tańdamaıtynyn eskertti.

«Mundaı táýekelder eski kólikterde de, jańa kólikterde de kezdesýi múmkin. Qyrkúıek aıynda 2020 jyly zaýyttan shyqqan Camry markaly kólik anyqtaldy. Ústinen 20-dan astam sot aýyrtpalyǵy rásimdelgen. Bul kólik keıin Reseıdegi ıesiniń ústinen aryzdanýshy tulǵalarǵa óndirilip berilýi múmkin. Jalpy 250-ge jýyq osyndaı problemasy bar avtomobıl anyqtaldy, - dedi Serik Túsipov.


Avtor Esimjan Naqtybaı
Basty sózder: Reseı, Kólik,
Joǵary qaraı