Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Reseıdegi oq-dáriler qoımasynda 10 sekýnd saıyn jarylys bolýda, zardap shekkender bar

2020 jyldyń 8 qazan 2020 01:33

MÁSKEÝ. TASS-QazAqparat – Reseıdiń Rıazan qalasy mańyndaǵy snarıad qoımasyndaǵy órtten 10 adam zardap shekti, dep habarlaıdy QazAqparat TASS agenttigine silteme jasap.

Agenttiktiń habarlaýynsha, qoımadaǵy órtti sóndirýge Reseıdiń TJM birneshe myńdaǵan áskerı qyzmetkeri, eki órt tanki jáne brondy órt kólikteri jumyldyryldy.

Sondaı-aq, órtti sóndirýge arnaıy robottar paıdalanylýda. Qorǵanys mınıstrliginiń Il-76 tórt ushaǵy da apat bolǵan jerge jiberilgen. Jeldiń qatty soǵýy jáne shamamen árbir 10 sekýnd saıyn bolatyn jarylys órtti sóndirýge kedergi keltirip, jaǵdaıdy qıyndatýda. Órt aýmaǵy jaıylyp jatyr.

Sońǵy málimet boıynsha, órtten 10 adam zardap shekken.

Kýágerlerdiń aıtýynsha, birneshe ret qatty jarylys bolǵan. Jarylystan jáne ushqan snarıad qaldyqtarynan birneshe ondaǵan úılerdiń esik-terezeleri qıraǵan.

Rıazanskoı oblasta Tótenshe jaǵdaı rejımi engizildi. Jáne órt oshaǵynan 25 km aýmaqtaǵy eldi mekender evakýatsııalanýda. 10-nan asa turǵyn úı órtenip ketken.

Eske salsaq, Reseıde snarıadtar qoımasy órtenip, oq-dári jarylyp jatqany týraly habarlaǵan bolatynbyz.

Qatty jel soǵyp, órt artıllerııalyq oq-dárilerdi saqtaý alańyna jaıylǵan. Apatqa baılanysty Kýzmınka-2 eldi mekeniniń turǵyndary evakýatsııalandy.



Perevod Saıagúl Jarylqasyn
Basty sózder: Vıdeo, Oqıǵa, Álem, Reseı,
Joǵary qaraı