Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Reseıde ushaq apatynan tórt adam qaza tapty

2021 jyldyń 13 qyrkúıek 2021 07:20

MÁSKEÝ. TASS-QazAqparat - Reseıdiń Irkýtsk oblysynda L-410 ushaǵy jerge soǵylǵan. Sońǵy málimet boıynsha apattan 4 adam qaza tapty, dep habarlaıdy QazAqparat TASS agenttigine silteme jasap.

Jergilikti ýaqytpen 23:15-te eki motorly L-410 ushaǵy Irkýstkiden 500 shaqyrym qashyqtaǵy Kazachınskoe aýylynan 4 shaqyrym jerge qulaǵan.

Prokýratýranyń málimetinshe, ushaq kenttegi áýejaıǵa qoný úshin ekinshi aınalymǵa ketpek bolǵan. Irkýtsk gýbernatory Igor Kobzevtiń aıtýynsha, bortta órt shyqpaǵan. Bastapqyda ushaq órtendi dep habarlanǵan edi.

Sońǵy málimet boıynsha, tórt adam kóz jumǵan, onyń ekeýi jolaýshy, ekeýi ushqysh.

RF TJM-nyń málimetinshe, 12 adam zardap shekken. Bireýiniń jaǵdaıy aýyr, qalǵandary jeńil jaraqat alǵan. Tórt adam jansaqtaý bólimine túsken.

Bortta 14 adam men eki ekıpaj múshesi bolǵan. Barlyǵy eresekter, bala joq.

Kólik prokýratýrasy oqys oqıǵa boıynsha tekserýdi bastady. Apattyń sebebi retinde - qozǵaltqyshtyń isten shyǵýy jáne ekıpajdy qateligi qarastyrylyp otyr. Tergeý komıteti qylmystyq is qozǵady.

15 qyrkúıek Irkýtsk oblysynda qaraly kún dep jarııalandy.


Perevod Jánibek Amangeldi
Basty sózder: Reseı,
Joǵary qaraı