Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Reseıde urlanǵan 6 avtokólik Petropavldan tabyldy

2021 jyldyń 12 qazan 2021 22:13

PETROPAVL. QazAqparat – Petropavl turǵyndarynan shetelde izdeýde júrgen 6 kólik tabylyp, tárkilendi, dep habarlaıdy QazAqparat tilshisi.

Soltústik Qazaqstan oblysy polıtsııa departamenti baspasóz qyzmetiniń málimetinshe, óńir turǵyndarynyń kópshiligi baǵasynyń arzandyǵyna qyzyǵyp, shetelde tirkelgen kólikterdi satyp alýǵa basymdyq beredi. Alaıda olar qıyndyqqa tap bolýy múmkin. Qujattardyń túpnusqasyn tekserý múmkin bolmaǵan jaǵdaıda kóliktiń aıdap áketilgeni nemese shekteý qoıylǵany jaıly anyqtaý múmkin emes. Saldarynan qazaqstandyq qylmystyq qýadalaýdyń nysanyna aınalyp, kólik quralynan aıyrylýy múmkin.

Jyl basynan Petropavl aýmaǵynda Reseıde izdeý jarııalanǵan 6 avtomobıl anyqtaldy. Olardyń barlyǵy aıyp turaǵyna qoıyldy jáne qajetti protsedýralar aıaqtalǵan soń shetelge qaıtarylady. Senimhat nemese saqtandyrý boıynsha kólikterdi paıdalanǵan adamdarǵa bul jaǵdaıda eshqandaı ótemaqy tólenbeıdi.

«Shetelde tirkelgen kólikterdi tirkeý qujattarynda kórsetilgen adamdardan ǵana satyp alý kerek, avtokólik jaıly tolyq málimet alǵan durys. Satyp alatyn kólikterdi tirkelgen elden esepten shyǵarýǵa jáne olardy Qazaqstan Respýblıkasynyń ókiletti organdaryna tirkeýge keńes beremiz, el aýmaǵynda saqtandyrýdy resimdeýdi umytpaǵan jón», - deıdi SQO PD ákimshilik polıtsııa basqarmasynyń bastyǵy Serik Áljanov.


Joǵary qaraı