Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Reseıde koronavırýstan qaıtys bolǵandar sany rekordtyq kórsetkishke jetti

2021 jyldyń 13 qazan 2021 21:06

MÁSKEÝ. QazAqparat – Reseıde segiz kún qatarynan qaıtys bolǵandar sany 900-den túspeı tur, dep habarlaıdy QazAqparat menshikti tilshisi.

13 qazandaǵy jaǵdaı boıynsha 984 adam qaıtys bolǵany tirkelgen.

DDSU deregine sáıkes, sońǵy 7 kúnde KVI-den elde 6649 adam qaıtys bolyp, álemde ekinshi orynǵa shyqty. AQSh-ta bul kórsetkish 9443 adamdy kórsetken.

Bılik jaǵdaıdy turaqtandyrý úshin qosymsha sharalar qoldanyp jatyr. Halyqty vaktsınalaý, sonyń ishinde egde jastaǵy adamdar men táýekel tobyna jatatyn adamdarǵa ekpe egý tıimdi dep esepteıdi.

Sondaı-aq, Máskeý bıligi 10 mekteptiń oqýshylaryna tegin ekspress-test jasaýdy engizbekshi. 1-11 synyp oqýshylary, mektepke deıingi daıarlyq tobyndaǵy balalar eki aptada bir ret test tapsyrmaq. Bul shara qashyqtan oqýǵa ketetin synyptar sanyn azaıtýǵa múmkindik beredi dep kútilýde.

Reseıde sońǵy táýlikte 28717 adam koronavırýs juqtyrǵan, Máskeý, Sankt-Peterbýrg jáne Máskeý oblysy kóp bastap tur – sáıkesinshe 4 410, 4 470 jáne 1 898 adam.


Narymbek Ysmaǵulov


Basty sózder: Álem, Reseı, Koronavırýs,
Joǵary qaraı