Aýa raıy
Astana -17 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Reseıde bir táýlikte 18 myńǵa jýyq adam koronavırýs juqtyrǵan

2020 jyldyń 29 qazan 2020 17:15

NUR-SULTAN. QazAqparat – Reseıde bir táýlikte koronavırýs juqtyrǵan 17 717 adam tirkeldi, bul pandemııa bastalǵaly tirkelgen eń joǵary kórsetkish, dep habarlaıdy QazAqparat TASS agenttigine silteme jasap.

Elde ınfektsııaǵa shaldyqqandardyń jalpy sany 1 581 693-ke jetti, dep habarlady beısenbi kúni koronavırýsqa qarsy kúres jedel shtaby.

Shtab deregi boıynsha, ósim 1,1%-dy quraǵan. Sheshenstan (0,4%) jáne Daǵystan (0,5%) Respýblıkalarynda táýliktik ósý qarqyny tómendegen. Al Máskeýde bir táýlikte 4 906, Sankt-Peterbýrgte 758, Máskeý oblysynda 514, Nıjegorod oblysynda 386, Arhangelsk oblysynda 319 adam koronavırýs juqtyrǵan.

Qazirgi ýaqytta em alyp jatqan naýqastar sany 368 351-ge jetti. Koronavırýstan bolǵan ólim sany bir kún buryn 346 bolsa, táýlik ishinde 366-ǵa artty. Bul da pandemııa bastalǵaly tirkelgen eń joǵary kórsetkish.

Jalpy Reseı Federatsııasynda jańa ınfektsııadan 27 301 adam kóz jumdy.

Beısenbi kúni shtab birden 14 740 naýqastyń jazylyp shyqqanyn habarlady. Bul da rekordtyq kórsetkish. Jalpy Reseıde 1 186 041 adam nemese syrqattanǵandardyń 75%-y qaýipti indetti jeńip shyqty.

Basty sózder: Reseı, Koronavırýs,
Joǵary qaraı