Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Reseı azamaty Qazaqstannan 3 jyl boıy zeınetaqy alyp kelgen

2021 jyldyń 6 qazan 2021 17:11

ÓSKEMEN. QazAqparat – Shyǵys Qazaqstan oblysynda 3 jyl boıy Qazaqstan azamaty retinde zeınetaqy alyp kelgen reseılik anyqtaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetinshe, kóshi-qon qyzmetiniń mamandary óńir aýmaǵynda qos azamattyǵy bar adamdardy anyqtaý boıynsha kúndelikti jumys júrgizýde. Sonyń nátıjesinde, jyl basynan beri qos azamattyqpen júrgen 60-tan astam adam tirkelgen.

«4 qazanda zeınetaqy tóleý jónindegi memlekettik ortalyqpen salystyrý kezinde 19 jyl buryn Reseı Federatsııasynyń azamattyǵyn alǵan Glýbokoe aýdanynyń 66 jastaǵy turǵyny anyqtaldy. Er adam 16 jyl boıy Reseıde zeınetaqy alyp, 2018 jyly zeınetkerlik jasqa tolǵannan keıin Qazaqstan aýmaǵynda da zeınetaqy resimdegen. Qazirgi ýaqytta zańsyz alynǵan qarajatty óndirip alý máselesi qarastyrylýda», - delingen habarlamada.

Vedomstvo dereginshe, basqa eldiń azamattyǵyna kiretin adam qazaqstandyq azamattyqtan bas tartýy qajet. Ol úshin 30 kúndik merzimde ishki ister organdaryna basqa memlekettiń azamattyǵyn alǵany týraly habarlap, Qazaqstannyń tólqujaty men jeke kýáligin tapsyrýy tıis.

«Ókinishke qaraı, óńirdiń keı turǵyndary bul talapty elemeıdi. Qos azamattyqpen júrýdiń negizgi sebepteriniń biri – karantındik shekteýler kezeńinde memlekettik shekarany kedergisiz kesip ótý. Qazaqstan azamattarynyń qujattaryn paıdalanǵany úshin sheteldikterge QR ÁQBtK-niń 496-babyna sáıkes 100 AEK kóleminde aıyppul salynady», - dedi oblystyq PD kóshi-qon qyzmeti basqarmasynyń bastyǵy Erbol Bekpaev.


Joǵary qaraı