Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Rekordtyq kórsetkish: Japonııa halqynyń 29,1 paıyzy – egde jastaǵy adamdar

2021 jyldyń 20 qyrkúıek 2021 09:40

TOKIO. Kyodo-QazAqparat – Osy aıdaǵy kórsetkish boıynsha egde jastaǵy adamdar Japonııa halqynyń 29,1%-yn, al 2020 jyly jumys kúshiniń 13,6%-yn quraǵan. Jeksenbi kúngi úkimet derekteri boıynsha, bul rekordtyq kórsetkish qoǵamnyń qarqyndy qartaıyp bara jatqanyn bildiredi, dep habarlaıdy QazAqparat Kyodo agenttigine silteme jasap.

Dúısenbi kúni Respect jarııalaǵan Іshki ister jáne kommýnıkatsııa mınıstrliginiń derekterine sáıkes, eldegi 65 jastaǵy adamdar sany 36,4 mıllıonǵa jetken, bul ótken jylǵy kórsetkishpen salystyrǵanda 220 000 myń adamǵa kóp.

Italııada da egde jastaǵy adamdar úlesi edáýir joǵary – 23,6%, Portýgalııadaǵy egde jastaǵy adamdar úlesi halyqtyń 23,1%-yn quraıdy, dep habarlady atalmysh vedomostvo BUU derekterine súıene otyryp.

Mınıstrlik derekteri boıynsha, Japonııada 65 jastan asqan 15,83 mıllıon er adam jáne 20,57 mıllıon áıel bar.

Halyqty jáne áleýmettik qamtamasyz etýdi zertteý ulttyq ınstıtýtynyń boljamy boıynsha, 2025 jyly Japonııa halqynyń 30,0%-yn, al 2040 jyly 35,3%-yn egde jastaǵy adamdar quramaq.

Munda jumys isteıtin egde jastaǵy adamdar sany 2004 jyldan bastap 17 jyl qatarynan kóbeıip keledi. Osy jas sanatyndaǵy qyzmettegi 9,06 mıllıon adamnyń 3,67 mıllıonyn áıelder quraıdy.


Basty sózder: Japonııa, Qoǵam,
Joǵary qaraı