Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Referendýmǵa qatysý quqyǵy buzylǵan jandar prokýror men sotqa júgine alady

2022 jyldyń 12 mamyr 2022 18:40

NUR-SULTAN. QazAqparat – Respýblıkalyq referendým kezinde «Daýys berýge qatysý quqyǵym buzyldy» dep eseptegen azamattar prokýrorlar men sotqa júgine alady. Bul týraly QR Bas prokýrorynyń aǵa kómekshisi Azamat Sarǵazın Ortalyq saılaý komıssııasynda ótken semınarda málim etti, dep habarlaıdy QazAqparat tilshisi.

«Buqaralyq aqparat quraldaryndaǵy úgit týraly aıtsaq, anonımdik úgit materıaldaryn taratýǵa, sondaı-aq referndýmǵa 1 kún qalǵanda jáne referendým ótetin kúni úgit júrgizýge tyıym salynady. Ol úshin de ákimshilik jaýaptylyq qarastyrylǵan. ıAǵnı, Ákimshilik quqyq buzý týraly kodekstiń 102 jáne 113-babymen jaýapqa tartylady», - dedi Bas prokýrordyń aǵa kómekshisi.

Sondaı-aq, ol azamattardyń respýblıkalyq referendýmǵa qatysý quqyǵy shektelse nemese buzylsa, prokýrorlar aıryqsha quzyretiniń negizinde qylmystyq is qozǵaı alatynyn aıtty.

«Bul isterdi sottar qaraıdy. Bul jerde atap ótkim keletini, azamattar mundaı kedergilerge tap bolsa, sotqa tikeleı júgine de alady», - dedi Azamat Sarǵazın.

Búgingi Úkimet otyrysynda QR Premer-Mınıstriniń orynbasary – Qarjy mınıstri Erulan Jamaýbaev konstıtýtsııalyq reformaǵa qatysty ótetin respýblıkalyq referendým ótkizýge qansha qarajat bólingenin aıtty.



Joǵary qaraı