Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Referendýmda bıýlleten toltyratyn kezde neni eskerý kerek - OSK ókili túsindirmesi

2022 jyldyń 17 mamyr 2022 14:07

NUR-SULTAN. QazAqparat - QR Ortalyq saılaý komıssııasy tóraǵasynyń orynbasary Konstantın Petrov referendýmda bıýlletendi toltyrý kezinde eskeriletin basty mán-jaıdy túsindirdi, dep habarlaıdy QazAqparat tilshisi.

«Bıýlletenniń ózi, mátini men formasy bekitildi. Bıýlletender jasyryn daýys berýge arnalǵan kabınada toltyrylýy tıis. Ár adam ony jeke toltyrady. Daýys berý kezinde azamat ózi daýys beretin jaýap nusqasynyń oń jaǵyndaǵy bos sharshyǵa kez kelgen belgi qoıady. Bir suraq pen jaýaptyń eki nusqasy bolady. Osy oraıda bir belgini qoıý kerek, ıaǵnı osynyń bári túsinikti túrde qoıylǵany abzal», - dedi Konstantın Petrov elordada Ortalyq referendým komıssııasynyń otyrysynda.

Onyń aıtýynsha, bıýlletenge qaryndashpen belgi qoıýǵa, sondaı-aq oǵan qandaı da bir túzetýler engizýge jol berilmeıdi. Toltyrylǵan bıýlleten daýys berýge arnalǵan jáshikke salynady.

OSK málimetine qaraǵanda, tıisti ýchaskede Konstıtýtsııalyq zańda belgilengen tártippen daýys berý ýaqyty ózgertilmese, daýystardy sanaý jergilikti ýaqyt boıynsha saǵat jıyrmada bastalady. Saılaý ýchaskesinde daýystardy sanaý ýaqyty sanaý bastalǵannan bastap on eki saǵattan aspaýy tıis.

Budan buryn habarlanǵandaı, Qazaqstanda 10 013 referendým ýchaskesi iske qosylady.

Ortalyq referendým komıssııasy bıýlletenderdi daıyndaýǵa qatysty qaýly qabyldady.


Joǵary qaraı