Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Referendým: 16,4 mlrd teńgeniń 79 paıyzy komıssııa músheleriniń jalaqysyna jumsalady

2022 jyldyń 17 mamyr 2022 15:36

NUR-SULTAN. QazAqparat – Referendým ótkizýge arnalǵan 16,4 mlrd teńgeniń 79 paıyzy osy aýqymdy is-sharaǵa jumyldyratyn adamdardyń jalaqysyn tóleýge jumsalady. Bul týraly Ortalyq saılaý komıssııasynyń múshesi Sábıla Mustafına málim etti, dep habarlaıdy QazAqparat tilshisi.

«Referendým shyǵystarynyń 79 paıyzy komıssııa músheleriniń jalaqasyn tóleýge baǵyttalady. Ne sebepti bul baǵytqa qomaqty qarajat qarastyrylǵan? Bul kólem Prezıdent, Májilis saılaýlary sııaqty aýqymdy naýqandy ótkizý kezinde jumsalǵan qarajat somasynyń deńgeıinde. Atalǵan 79 paıyz ýchaskelik jáne aýmaqtyq komıssııalardyń 71 myńǵa jýyq múshesiniń jalaqysyn qamtamasyz etýge bólinedi. Eńbekaqyny tóleý deńgeıinde el boıynsha ortasha jalaqy kórsetkishi eskerilgen», - dedi S. Mustafına OSK-da ótken baspasóz máslıhatynda.

Osy oraıda ol referendým ótkizýge respýblıkalyq bıýdjetten 16,4 mlrd teńge qarastyrylǵanyn eske saldy.

«Jalaqy tólemi jumys istegen ýaqytqa saı júrgiziledi. Komıssııa músheleriniń barlyǵy birdeı deńgeıde jumys istemeıtini túsinikti. Komıssııa músheleriniń kóbisi ózderiniń negizgi kásibı qyzmetin atqaryp, komıssııalarda tek bekitilgen keste boıynsha jumys isteıdi. Olardyń jumysqa shyǵatyn arnaıy tabeli júrgiziledi», - dedi S. Mustafına.

Bólinetin qarajattyń 21 paıyzy daýys berý ýchaskeleriniń metarıaldyq-tehnıkalyq qamtamasyz etilýine, Ortalyq referendým komıssııasy men ýchaskelik ári aýmaqtyq komıssııasynyń jumysyna, baspa ónimderin daıarlaýǵa, aqparattyq súıemeldeýge, sondaı-aq el aýmaǵynda arnaıy bılbordtar ornalastyrýǵa arnalǵan.

Budan buryn habarlanǵandaı, Premer-Mınıstriniń orynbasary – Qarjy mınıstri Erulan Jamaýbaev konstıtýtsııalyq reformaǵa qatysty ótetin respýblıkalyq referendým ótkizýge qansha qarajat bólingenin aıtty.

«Konstıtýtsııalyq referendým ótkizýge respýblıkalyq bıýdjetten 16 mlrd 400 mln teńge bólinedi. Ortalyq saılaý komıssııasy tıisti esep-qısapty usyndy. Búgin Úkimet osyǵan baılanysty Qaýly qabyldady. Qarjy respýblıkalyq bıýdjetten, Úkimet rezervinen bólinedi», - dedi E.Jamaýbaev.


Avtor Rýslan Ǵabbasov
Basty sózder: Nur-Sultan, Referendým, Zań,
Joǵary qaraı