Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Reanımatsııada oryn joq: elordalyq dárigerler kovıd statsıonarlaryndaǵy jaǵdaıdy kórsetti

2021 jyldyń 25 shilde 2021 08:36

NUR-SULTAN. QazAqparat – Nur-Sultandaǵy epıdemıologııalyq jaǵdaı áli de turaqsyz. Kún saıyn koronavırýs ınfektsııanyń 1300-den astam jaǵdaıy tirkeledi, dep habarlaıdy QazAqparat elorda ákimdiginiń saıtyna silteme jasap.

«Delta» shtammy jyldam juǵyp, adam aǵzasyna aýyr áser etedi. Bir jarym jyldan astam ýaqyt boıy COVID-19-ben kúresip kele jatqan elordalyq dárigerler aýrýhanadaǵy jaǵdaıdy kórsetti. Kadrlardyń birinde áreń dem alyp jatqan er adamnyń keýdesi kórsetilgen. Patsıenttiń ózdiginen dem ala almaı, arnaıy apparatqa qosylǵanyn kórýge bolady.

Zeınetker Mádına Syzdyqova jubaıymen birge bosańsyp, qaýipti vırýsty umytyp ketkenin moıyndady.

«Jubaıym ekeýmiz qaýipsizdik sharalaryn saqtap júrgende bári jaqsy bolatyn. Qurmetti azamattar! Men sizderdi koronavırýspen aýyrǵan adam retinde bul aýrýǵa júrdim-bardym qaraýǵa bolmaıtynyn eskertemin. Vırýstyq ınfektsııa óte qaýipti. Qorqatyndaı-aq qaýipti! Endi jubaıym ekeýimiz em alyp, osy aýrýhanada jatyrmyz», - dedi 68 jastaǵy Madına S.

Infektsııalyq statsıonarǵa qaıta beıindelgen Kópbeıindi qalalyq balalar aýrýhanasynyń ınfektsıonıst dárigeri Aınur Omarova qala turǵyndaryna úndeý joldap, ınfektsııanyń qaýiptiligin eske saldy.

«Jaǵdaıdyń aýyr ekenin aldyńǵy shepte júrgen bizden surańyzdar!. Aýyr naýqastar kóp, reanımatsııalyq tósektiń bireýi de bos emes. Іndet juqtyrǵan balalar kóp. Ózińizdiń de, ózgelerdiń densaýlyǵyn qorǵaýdyń joly — sanıtarlyq normalardy saqtaý jáne vaktsınatsııa. Vaktsınatsııa ǵana aýrýdyń aýyr kúıinen jáne IVL apparatynan qorǵaıdy. Vaktsınatsııa sizdi de, aınalańyzdaǵy jandardy da saqtaıdy», — deıdi dáriger.


Basty sózder: Nur-Sultan, Koronavırýs, Medıtsına,
Joǵary qaraı