Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Rahman Alshanov «100 jańa oqýlyq» jobasyn jalǵastyrýdy usyndy

2021 jyldyń 16 qarasha 2021 12:24

NUR-SULTAN. QazAqparat – Joǵary oqý oryndary qaýymdastyǵynyń prezıdenti Rahman Alshanov Úkimet otyrysynda «100 jańa oqýlyq» jobasyn jalǵastyrýdy usyndy, dep habarlaıdy QazAqparat tilshisi.

«Bıyl «100 jańa oqýlyq» jobasy aıaqtaldy. Bul joba jastardy álemdegi tańdaýly ǵylym, mádenıet úlgilerimen tanystyrýǵa múmkindik berdi. Osyǵan oraı qazaq tilinde akademııalyq ádebıet shyǵarý bastamasyn jalǵastyrýdy usynamyz. Barlyq taraptardyń pikirin tolyǵymen eskeretin bilim berý saıasatyn iske asyrý arqyly Qazaqstanda joǵary bilimniń básekege qabiletin ósirýge bolatynyna senimdimiz», - deıdi Joǵary oqý oryndary qaýymdastyǵynyń prezıdenti,

Sondaı-aq, ol qashyqtan oqytý protsesin zańmen retteý kerektigin atap ótti.

«Joǵary bilimniń deńgeıi kásibı standarttarmen qamtamasyz etilmeı otyr. Bul rette bilikti kadr daıarlaý jaıynda aıtý qıyn. Sondyqtan kásibı tizimin keńeıtýdi qarastyrý sózsiz qajet. Qashyqtan oqytý - ómir shyndyǵy. Ony búkil álem iske asyryp jatyr. Onyń mańyzyn pandemııa kezinde jaqsy túsindik. Sondyqtan bul protsesti zańnamalyq turǵydan retteý qajet», - dep qosty Rahman Alshanov.


Joǵary qaraı