Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qnet kompanııasyna qatysty qylmystyq is qozǵaldy

2022 jyldyń 17 mamyr 2022 11:12

ALMATY. QazAqparat – Almaty polıtsııasynda Qnet jelilik kompanııasyna qatysty qylmystyq is qaralyp jatyr, dep habarlaıdy QazAqparat tilshisi.

«Qazir Qnet kompanııasynyń qyzmetine qatysty Almaty polıtsııa departamentiniń tergeý basqarmasy QR Qylmystyq kodeksiniń 217-baby (Qarjylyq (ınvestıtsııalyq) pıramıdany qurý jáne oǵan basshylyq etý) baby boıynsha qylmystyq isti tergep jatyr», - dedi Almaty qalalyq Polıtsııa departamenti bastyǵynyń orynbasary Rýstam Ábdirahmanov.

Polıtsııa ókiliniń aıtýynsha, tergeý barysy QR Bas prokýratýrasy, Іshki ister mınıstrligi, Almaty qalasy prokýratýrasy men Polıtsııa departamenti basshylyǵynyń erekshe baqylaýynda, jedel-izdestirý sharalary júrip jatyr.

«Qnet Qazaqstan Respýblıkasy zańnamasyna saıkes kásipkerlik qyzmet kórsetip jatqan joq. Kompanııanyń banktik jáne ınvestıtsııalyq qyzmetke lıtsenzııasy men ruqsaty joq»,- dedi ol.

Aıta keteıik, kompanııa jelilik marketıng júrgizedi, onda adamdar túrli zergerlik buıymdardy satýmen aınalysady. Bastapqy salym somasy – 30 dollar. Qazirgi ýaqytta quqyq qorǵaý organdaryna azamattardan 220 shaǵym tirkelgen.


Avtor Alma Muqanova
Basty sózder: Qylmyspen kúres, Almaty,
Joǵary qaraı