Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QazVac qazaqstandyq vaktsınasynyń 3 negizgi artyqshylyǵy ataldy

2021 jyldyń 20 qazan 2021 01:22

NUR-SULTAN. QazAqparat – QR Bilim jáne ǵylym mınıstrligine qarasty Bıologııalyq qaýipsizdik problemalary ǵylymı-zertteý ınstıtýtynyń zerthana meńgerýshisi Nýrıka Asanjanova koronavırýsqa qarsy qazaqstandyq QazVac vaktsınasynyń 3 negizgi artyqshylyǵyn atady, dep habarlaıdy QazAqparat.

«Birinshiden, vaktsınany saqtaý talaptary qarapaıym. Kádimgi tońazytqyshtar. Tasymaldaý jáne saqtaý kezinde ustap turý qıyn bolatyn mınýs 20, ne mınýs 70 gradýsta qatyrýdyń qajeti joq.

Ekinshiden, vaktsına – qaýipsiz. Sebebi ol ınaktıvtendirilgen, basqasha aıtqanda «óltirilgen».

Jáne úshinshiden, tıimdiligi joǵary. Ózge tehnologııalarmen salystyratyn bolsaq, bizdiń vaktsına tutas vırýstan jasalady. Qarapaıym tilmen aıtsaq, vaktsınalanǵan aǵzaǵa vırýs engen jaǵdaıda, antıdeneler aldyn ala saq turady. Syrqattarmen tıimdi kúresýge múmkindik beretin ımmýnologııalyq jady iske qosylady», - dedi Nýrıka Asanjanova «20:21» jobasynyń efırinde.


Joǵary qaraı