Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan Barysy týrnıriniń jeńimpazdary belgili boldy

2021 jyldyń 4 shilde 2021 19:33

NUR-SULTAN. QazAqparat - Qazaqstan Barysy-2021 týrnıriniń jeńimpazy men júldegerleri belgili boldy, dep habarlaıdy QazAqparat.

Osymen onynshy ret ótken balýandar básekesi de máresine jetti. Sonymen Qazaqstan Barysy-2021 ataǵyn jáne 25 mln teńge, altyn belbeý men «taıtuıaq» júldeni Dáýren Nuralınov jeńip aldy. Onyń bapkerine 3 mln 500 myń teńge tabystaldy.

Kúmis belbeý ıegeri Ǵalymjan Qyryqbaıǵa - 5 mln 500 myń teńge, onyń bapkerine 1 800 myń teńge berildi.

Úshinshi oryn ıegeri mańǵystaýlyq Nurdáýlet Jarylǵapovqa 1 mln 800 myń teńge buıyrdy. Qola belbeý úshin ótken beldesýde ol Aqtóbe oblysynyń úmiti Elaman Erǵalıevti «taza jeńispen» utqan bolatyn.

Nurdáýlet Jarylǵapovtyń bapkeri 900 myń teńgeniń sertıfıkatyna ıe boldy.

Jeńimpazdardy marapattaý saltanatynda qazaq kúresinen álem chempıony, Majarstan astanasynda dzıýdodan ótken 2021 jylǵy álem chemıponatynyń kúmis júldegeri Ǵusman Qyrǵyzbaevqa 1 mln teńgeniń sertıfıkaty tabystaldy.

Avtor Esimjan Naqtybaı
Basty sózder: Qazaq kúresi, Sport,
Joǵary qaraı