Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qabilet jobasy: ShQO-da daryndy balalar irikteýden ótedi

2021 jyldyń 14 qazan 2021 22:54

ÓSKEMEN. QazAqparat – Shyǵys Qazaqstan oblysynda Qabilet jobasy aıasynda daryndy oqýshylar irikteýden ótedi, dep habarlaıdy QazAqparat tilshisi.

QR Tuńǵysh Prezıdenti Nursultan Nazarbaevtyń daryndy balalardy anyqtaý maqsatyndaǵy «El Úmiti» jalpyulttyq bastamasy 2019 jyldan beri júzege asyrylyp keledi. Sonyń aıasynda bıylǵy qazan aıynan bastap el aýmaǵynda Qabilet jobasy iske qosyldy.

«Jobany Nursultan Nazarbaev qory, «Elbasy Akademııasy» korporatıvtik qory men Bilim jáne ǵylym mınıstrligi uıymdastyrýda. Mundaǵy maqsat – oqýshylardyń qabileti men kásibı baǵdarlanýyn dıagnostıkalaýdyń ulttyq júıesin qurý, daryndy balalardyń jeke áleýetin iske asyrý úshin olardy súıemeldeý jáne qoldaý. Birinshi kezeńde jobaǵa 10-11 jastaǵy oqýshylar qatysa alady. Kelesi kezeńderde jasóspirimder qamtylady», - dedi ShQO Bilim basqarmasynyń basshysy Saırangúl Jumadilova.

Dıagnostıka ádistemesi Elbasy akademııasy jáne psıhologııalyq dıagnostıka salasyndaǵy sarapshylarmen birlese otyryp ázirlengen. Oqýshylardyń qabiletin baǵalaý boıynsha test ótkiziledi. Sonyń qorytyndysy boıynsha qatysýshynyń qabilettilik nátıjeleri aıqyndalady.

«Ári qaraı qatysýshy óz qalaýy boıynsha mamannyń kásibı keńesine jazyla alady. Ol testileý nátıjelerin durys taldaýǵa kómektesedi jáne qabiletterin odan ári damytý boıynsha usynystar beredi. Qyzmet kez kelgen oqýshyǵa qoljetimdi bolý úshin tegin usynylyp, saıtqa kez kelgen qurylǵylarmen kirýge bolady. Testileýden ótý úshin qabilet.elbasyacademy.kz saıtyna tirkelý qajet», – dedi Saırangúl Jumadilova.


Joǵary qaraı