Aýa raıy
Astana -12 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

PTR-anyqtamasyz ushyp kelgen brıtandyq Qazaqstannan deportatsııalandy

2020 jyldyń 24 qazan 2020 11:50

NUR-SULTAN. QazAqparat – Aqtaý qalasyna koronavırýsqa PTR-anyqtamasyz ushyp kelgen Ulybrıtanııa azamaty eline qaıtaryldy, dep habarlaıdy QazAqparat.

«24 qazan kúni Aqtaý qalasynyń áýejaıynan PTR-anyqtamasy bolmaǵan Ulybrıtanııa azamaty deportatsııalandy.

Sondaı-aq, 24 qazan túninde 9 reıspen 1158 adam ushyp kelgen. Sonyń ishinde 951 jolaýshynyń PTR-anyqtamasy bolǵan, Qazaqstannyń 207 azamatynda anyqtama bolǵan joq.

Reısterdiń:

- 4-eýi Nur-Sultan qalasyna (471 jolaýshy, onyń 385-inde anyqtama boldy, 86 adam anyqtamasyz);

- 4-eýi Almaty qalasyna (588 jolaýshy, onyń 472-sinde anyqtama boldy, 116 adam anyqtamasyz);

- 1-eýi Aqtaý qalasyna (99 jolaýshy, onyń 94-inde anyqtama boldy, 5 adam anyqtamasyz) jasaldy», - dep habarlandy vedomstvoaralyq komıssııanyń Telegram-kanalynda.

Anyqtamasyz ushyp kelgen Qazaqstan azamattary PTR-taldaý tapsyrý úshin Nur-Sultan, Almaty jáne Aqtaý qalalaryndaǵy karantın statsıonarlaryna ornalastyryldy.

Jolaýshylar Túrkııa, BAÁ, Belarýs, Mysyrdan halyqaralyq áýe reısterimen ushyp kelgen.


Basty sózder: Karantın, Koronavırýs,
Joǵary qaraı