Aýa raıy
Astana -11 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

PTR anyqtamasyz ushyp kelgen 57 jolaýshy bir aptaǵa karantınge jatqyzyldy

2020 jyldyń 30 qazan 2020 15:42

NUR-SULTAN. QazAqparat - QR Kóliktegi bas memlekettik sanıtar dáriger Sadýaqas Baıǵabylov Qazaqstanǵa ushyp kelgen jolaýshylarǵa qatysty málimetti bólisti, dep habarlaıdy QazAqparat tilshisi.

«Osy jyldyń 30 qazanynda tún ortasyna aýǵanda 9 halyqaralyq áýe reısimen 1 167 jolaýshy, onyń ishinde 1 110 jolaýshy anyqtamamen jáne Qazaqstannyń 57 azamaty anyqtamasyz ushyp keldi. Nur-Sultanǵa 2 reıspen ushyp kelgen 212 jolaýshynyń 189-y anyqtamamen, 23-i anyqtamasyz, Almatyǵa 6 reıspen kelgen 921 jolaýshynyń 887-si anyqtamamen, 34-i anyqtamasyz jetti», - dedi Sadýaqas Baıǵabylov.

Onyń atap ótýinshe, Grýzııadan Aqtaýǵa 1 reıspen ushyp kelgen 34 jolaýshynyń barlyǵynda da anyqtama bolǵan.

Al Nur-Sultan men Almaty qalalaryna PTR anyqtamasyz ushyp kelgen Qazaqstan azamattarynyń barlyǵy 7 kúnge karantındik statsonarǵa ornalastyryldy.

Jolaýshylar Túrkııa, BAÁ, Mysyr, Belarýs jáne Grýzııadan halyqaralyq áýe reısterimen ushyp kelgen.

Aıta keteıik, QR Bas memlekettik sanıtar dárigeri Erlan Qııasovtyń jańa qaýlysyna sáıkes, Qazaqstanǵa kelgen azamattar, Qazaqstan Respýblıkasynyń aýmaǵynda turýǵa yqtııarhaty bar adamdar anyqtamasy bolmaǵan jaǵdaıda PTR ádisimen COVID-19-ǵa zerthanalyq tekserý úshin 7 táýlikke deıin karantındik statsıonarǵa oqshaýlanady.


Joǵary qaraı