Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Psıhıkanyń buzylýyn emdeýge bolady – dáriger

2021 jyldyń 12 qazan 2021 12:44

ALMATY. QazAqparat - Halyqqa psıhıkalyq kómek kórsetý qoljetimdi bola tústi. Bul týraly QR Densaýlyq saqtaý mınıstrliginiń Respýblıkalyq psıhıkalyq densaýlyq ǵylymı-praktıkalyq ortalyǵy bas dırektorynyń mindetin atqarýshy Qýanysh Altynbekov Óńirlik kommýnıkatsııalar alańynda ótken brıfıngide málim etti, dep habarlaıdy QazAqparat tilshisi.

10 qazan – Halyqaralyq psıhıkalyq densaýlyq kúni.

Bıyl Dúnıejúzilik psıhıkalyq densaýlyq kúni «Psıhıkalyq densaýlyq týraly qamqorlyq barlyǵyna: ony shyndyqqa aınaldyraıyq» uranymen atap ótiledi.

Qýanysh Altynbekovtyń aıtýynsha, elimizde 17 aımaqtyq psıhıkalyq densaýlyq ortalyǵy, qalalyq emhanalardyń qurylymynda 82 alǵashqy psıhıkalyq densaýlyq ortalyǵy, aýdandyq deńgeıde 201 psıhıkalyq densaýlyq bólmesi qyzmet etedi.

«2018 jylǵa deıin psıhıatr dárigerlerdiń qabyldaýy tek psıhıatrııalyq uıymdarda júzege asyrylatyn. 2021 jyldyń 9 aıynda alǵashqy psıhıkalyq densaýlyq ortalyqtary men psıhıkalyq densaýlyq bólmelerine kómekke 297 464 adam júgindi. Kórip otyrǵanymyzdaı, halyqqa kórsetiletin kómek burynǵydan qoljetimdi bola tústi. Bul, psıhıkalyq densaýlyq salasynda naýqasqa baǵdarlanǵan kómek kórsetý úlgisin jetildirýdiń arqasy», - dedi ol.

Sonymen qatar ol psıhıkalyq densaýlyq ortalyqtarynda psıhıkalyq aýytqýy bar adamdarǵa 735 tósek-orynǵa arnalǵan 16 kúndizgi statsıonar jumys isteıtinin aıtty.

Balalarǵa kómek kórsetýdi qoljetimdi etýge úlken kóńil bólinip otyr.

«Sońǵy jylda 65 tósek-orynǵa laıyqtalǵan balalarǵa arnalǵan 3 kúndizgi statsıonar bólimshesi quryldy. Qaraǵandy oblysy men Shymkent qalasynda aýysymyna 20 júginýdi qamtıtyn balalarǵa arnalǵan eki medıtsınalyq-áleýmettik ońaltý bólimshesi ashyldy. Oǵan qosa densaýlyq saqtaý uıymdarynda balalar psıhıatrlarynyń sany artty. Bul kórsetkish 2017 jylǵy 65-ten 2020 jyly 97-ge deıin jetti», - dedi spıker.

Qýanysh Altynbekov psıhıkalyq densaýlyqty baıypty qabyldaý qajet ekenin atap ótti.

«Psıhıkanyń buzylýyn emdeýge bolady jáne bul kúrdeli: munda dári-dármekter, terapııa, fızıkalyq belsendilik jáne taǵy basqalar bar», - dedi ol.

Dárigerlik kadrlar boıynsha 2021 jyly 124 psıhıatr dáriger rezıdentýrany aıaqtap, densaýlyq saqtaý uıymdarynda jumys isteýge kirisken.





Avtor Alma Muqanova
Basty sózder: Aımaq, Almaty, Densaýlyq, Qoǵam, Medıtsına,
Joǵary qaraı