Aýa raıy
Astana 7 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Prokýratýra balalar úıindegi jaǵdaıdy kamera arqyly baqylap otyrady - ShQO

2020 jyldyń 18 qyrkúıek 2020 19:10

ÓSKEMEN. QazAqparat – Shyǵys Qazaqstan oblysy prokýratýrasynyń bastamasymen óńirdegi balalar úılerinde «bultty» beınebaqylaý júıesi qosyla bastady, dep habarlaıdy QazAqparat tilshisi.

Memleket basshysy Qasym-Jomart Toqaevtyń Joldaýyndaǵy balalardyń quqyqtaryn qorǵaý boıynsha tapsyrmalardy oryndaý maqsatynda ShQO prokýratýrasy balalar úıleri men ınternattarda «bultty» beınebaqylaý júıesin engizýge bastama jasady.

«Bul jańashyldyq balalar quqyǵyna qarsy áreketterdi boldyrmaý maqsatynda oblys ákimdigimen birlesip iske asyrylýda. Osynyń nátıjesinde beınejazabalardy qazirgi ýaqytta kórýge jáne olardy joıý nemese ózgertý múmkindiginsiz 90 kúnge deıin serverde saqtaýǵa múmkindik týmaq. Barlyq kelip túsken aqparat bultta saqtalady. Bul aqparattyq qaýipsizdik talaptaryn saqtap, derekterdiń taralyp ketýine kedergi keltiredi», - dep habarlady ShQO prokýratýrasynyń baspasóz qyzmeti.

Búginde júıe Aıagózdegi balalar ortalyǵyna qosylǵan. Ǵımaratta jáne mekeme aýmaǵynda beınekameralarmen qamtylmaǵan oryndar anyqtalyp, onda qosymsha 17 beınekamera ornatyldy. Barlyǵy 62 kamera iske qosylǵan.

«Jaqyn arada «bultty» beınebaqylaý oblystaǵy taǵy eki mekemege – Semeı qalalyq ınternatyna jáne Óskemen qalasynyń balalar úıinde ornatylmaq. Sonymen qatar barlyq mekemelerde prokýrorlar men polıtseılerdiń arnaıy beketteri quryldy. Munyń bári baqylaýdy kúsheıtýge jáne balalar úıleri tárbıelenýshileriniń qaýipsizdigin qamtamasyz etýge múmkindik beredi» delingen málimette.


Joǵary qaraı