Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Prezıdenttiń sátti júzege asyp jatqan tapsyrmalary ataldy

2021 jyldyń 3 qarasha 2021 10:51

NUR-SULTAN. QazAqparat – QR Prezıdentiniń kómekshisi Erlan Qarın Memleket basshysy Qasym-Jomart Toqaevtyń Joldaý aıasynda júktegen mindetterdiń qalaı iske asyp jatqany týraly aıtyp berdi, dep habarlaıdy QazAqparat tilshisi.

«Prezıdenttiń bıylǵy Joldaýy boıynsha iske asyp jatqan tapsyrmanyń biri tómengi jalaqynyń mólsheri 60 myń teńgege deıin kóterildi. Ol úshin tıisti zańǵa ózgeris engizilip, 2022-2024 jyldarǵa arnalǵan respýblıkalyq bıýdjet qaıta qaraldy. Sonymen qatar Memleket basshysynyń tapsyrmasyna sáıkes qylmystyq jaza zańyn jetildirý qolǵa alyndy. Osy oraıda Bas Prokýratýra zańǵa tolyqtyrýlar men ózgerister engizip, ol Parlament qabyrǵasynda qaralyp jatyr», - dedi Erlan Qarın «Habar 24» telearnasyna bergen suhbatynda.

Onyń aıtýynsha, bıylǵy Joldaý boıynsha Memleket basshysy júktegen tapsyrmany oryndaý sol sátte bastalyp ketti. Ony iske asyrýǵa Parlament, Úkimet jáne basqa da quzyrly organdar atsalysyp jatyr.

«Memlekettik reformalardyń ishinde kópshilikke jaǵyp, kóńilinen shyqqan Prezıdent qabyldaǵan sharanyń biri qazaqstandyqtardyń zeınetaqy qoryndaǵy jınaǵyn turǵyn úı alýǵa jumsaı alýy. Sol sekildi densaýlyǵyn jaqsartýǵa da paıdalaný múmkindigi bar. Qazannyń sońyndaǵy málimetter boıynsha, shataspasam, baspanaly bolǵysy kelgen qazaqstandyqtardyń 2 trln teńgeniń ótinishi maquldandy. Sondaı-aq, otandastarymyz densaýlyǵyn kútý maqsatynda 49 mlrd teńge jumsaǵan. Bul degenimiz Prezıdent reformasy arqyly qarapaıym halyq máselesi ońtaıly sheshimin taýyp jatyr degen sóz», - deıdi ol.


Joǵary qaraı